Kerala Express

വിയറ്റ്നാം: ഇന്ത്യന്‍ വനിതാ ബോക്സിങ്ങിലെ ഇതിഹാസതാരം എം.സി. മേരി കോമിന് ചരിത്ര നേട്ടം. ഏഷ്യന്‍ ബോക്സിങ് ചാമ്പ്യന്‍ഷിപ്പില്‍ അഞ്ചാം സ്വര്‍ണവുമായാണ് ഇന്ത്യയുടെ ഉരുക്കുവനിത അപൂര്‍വനേട്ടം സ്വന്തമാക്കിയത്. ചാമ്പ്യന്‍ഷിപ്പിന്‍റെ ചരിത്രത്തില്‍ ആദ്യമായാണ് ഒരു താരം അഞ്ച് സ്വര്‍ണം നേടുന്നത്.

ബെയ്റൂട്ട്: ചരിത്രത്തില്‍ ആദ്യമായി ഒരു ക്രൈസ്തവ സഭാ മേലധ്യക്ഷന്‍ സൗദി അറേബ്യ സന്ദര്‍ശിക്കുന്നു. സൗദി ഭരണകൂടത്തിന്‍റെ ഔദ്യോഗിക ക്ഷണപ്രകാരമാണ് സന്ദര്‍ശനം. ലബനനിലെ മാറോനൈറ്റ കത്തോലിക്കാസഭയുടെ തലവന്‍ പാത്രിയര്‍ക്കീസ് കര്‍ദിനാള്‍ ബെഷാറ അല്‍ റായ് ആണ് സൗദി സന്ദര്‍ശിക്കാനൊരുക്കുന്നത്. രണ്ടാഴ്ചയ്ക്കുള്ളില്‍ ഇതു സംബന്ധിച്ച അന്തിമ തീരുമാനമുണ്ടാകുമെന്നാണ് സൂചന. സല്‍മാന്‍ രാജാവിന്‍റെയും കിരീടാവകാശി മുഹമ്മദ് ബിന്‍ സല്‍മാന്‍റെയും പ്രത്യേക ക്ഷണം സ്വീകരിച്ചാണ് കര്‍ദ്ദിനാള്‍ സൗദി സന്ദര്‍ശിക്കാനൊരുങ്ങുന്നത്.
ഇസ്ലാം മതത്തിനൊഴികെ മറ്റൊരു മതത്തിനും പ്രവര്‍ത്തന സ്വാതന്ത്ര്യമില്ലാത്ത സൗദിയിലേക്ക് കത്തോലിക്കാ സഭയുടെ ഒരു മേലധ്യക്ഷനെ ക്ഷണിച്ചത് വലിയ മാറ്റത്തിന്‍റെ തുടക്കമായാണ് വിലയിരുത്തപ്പെടുന്നത്. സന്ദര്‍ശനത്തിനു ക്ഷണം ലഭിച്ചതായി കര്‍ദ്ദിനാള്‍ ബഷാറെ അല്‍ റായ് സ്ഥിരീകരിച്ചു. പ്രത്യേക വ്യവസ്ഥകളോടെയല്ല സന്ദര്‍ശനം. ഏകദിന സന്ദര്‍ശനമായിരിക്കും. ഇതില്‍ രാഷ്ട്രീട ഘടകങ്ങളില്ലെന്നും അദ്ദേഹം കൂട്ടിച്ചേര്‍ത്തു.
 
 
 
Click here to Reply or Forward

 

 

Sponsored Advertisments