National
- Details
മുംബൈ: ഒടുവില്‍ സഹോദരന്‍ സഹായിച്ചു അനില്‍ അംബാനി ജയിലില്‍ പോകേണ്ടതില്ല. എറിക്സണ്‍ കമ്പനിക്കു കൊടുക്കാനുള്ള പണം നല്‍കി മുകേഷ് അംബാനി സഹായിച്ചു. ഇന്ത്യയിലെ ഏറ്റവും സമ്പന്നനായ മുകേഷിന് ഇളയ സഹോദരന്‍ അനില്‍ 550 കോടിയുടെ കുടിശികയുടെ പേരില്‍ ജയിലില്‍ പോകുന്നത് നാണക്കേടാണ്. എറിക്സണ്‍ കമ്പനിക്കു നല്‍കാനുണ്ടായിരുന്ന തുക അടച്ചു. എന്‍റെ ബഹുമാനപ്പെട്ട സഹോദരന്‍ മുകേഷിനും ഭാര്യ നിതയ്ക്കും നന്ദി എന്നു പറ‍ഞ്ഞുകൊണ്ടാണ് തുക അടച്ചെന്ന് പത്രക്കുറിപ്പില്‍ അനില്‍ അറിയിച്ചത്. ഫെബ്രുവരി 10-നാണ് നാലാഴ്ചയ്ക്കകം തുക അടച്ചില്ലെങ്കില്‍ മൂന്നു മാസം ജയിലില്‍ കഴിയണമെന്നു സുപ്രീംകോടതി വിധിച്ചത്. 2008-ല്‍ ലോകത്തിലെ ആറാമത്തെ സമ്പന്നനായിരുന്നു അനില്‍ അംബാനി. ഇപ്പോള്‍ അരലക്ഷം കോടിയില്‍പ്പരം രൂപയുടെ കടബാധ്യതയുമായി കഴിയുന്നു.
- Details
പനാജി: ഗോവ സ്പീക്കര്‍ ഡോ. പ്രമോദ് സാവന്ത് (45) ഗോവ മുഖ്യമന്ത്രിയായി സത്യപ്രതിജ്ഞ ചെയ്തു. മുഖ്യമന്ത്രിക്കൊപ്പം 11 മന്ത്രിമാരും സത്യപ്രതിജ്ഞ ചെയ്തു. ബിജെപി അധ്യക്ഷന്‍ അമിത്ഷാ, കേന്ദ്രമന്ത്രി നിധിന്‍ ഗ‍ഡ്കരി, മറ്റു മുതിര്‍ന്ന നേതാക്കള്‍ എന്നിവര്‍ പനാജിയില്‍ നടത്തിയ ചര്‍ച്ചയിലാണ് സാവന്തിനെ മുഖ്യമന്ത്രിയായി തീരുമാനിച്ചത്. മുഖ്യമന്ത്രി മനോഹര്‍ പരീക്കറുടെ നിര്യാണത്തോടെ ഗോവാ മന്ത്രിസഭയുടെ അംഗബലം 36 ആയി ചുരുങ്ങി. കോണ്‍ഗ്രസിന് 14 അംഗങ്ങളാണുള്ളത്. ബിജെപിക്ക് 12 പേരുണ്ട്. എംജിപിക്കും ഗോവാ ഫോര്‍വേഡ് പാര്‍ട്ടിക്കും മൂന്ന് അംഗങ്ങള്‍ വീതമുണ്ട്. ഒരു സ്വതന്ത്രനും എന്‍സിപി എംഎല്‍എയും ബിജെപിയെ പിന്തുണയ്ക്കുന്നു. സര്‍ക്കാരുണ്ടാക്കാന്‍ അവകാശമുന്നയിച്ച് 14 കോണ്‍ഗ്രസ് എംഎല്‍എമാര്‍ ഗവര്‍ണര്‍ മൃദുല സിന്‍ഹയെ സന്ദര്‍ശിച്ചു. പ്രതിപക്ഷ നേതാവ് ചന്ദ്രകാന്ത് കാവിലേക്കറുടെ നേതൃത്വത്തിലാണ് എംഎല്‍എമാര്‍ ഗവര്‍ണറെ കണ്ടത്. പക്ഷേ കോണ്‍ഗ്രസിന്‍റെ ആവശ്യം അംഗീകരിച്ചില്ല.
Sponsored Advertisments
