News
- Details
കൊച്ചി: സംസ്ഥാന സര്‍ക്കാരിന്‍റെ പ്രവര്‍ത്തനം കാര്യക്ഷമമല്ലെന്നും കോടതിയുടെ വിശ്വാസം നഷ്ടപ്പെടുത്തുന്ന നടപടികളാണ് സര്‍ക്കാര്‍ സ്വീകരിക്കുന്നതെന്നും ഹൈക്കോടതിയുടെ രൂക്ഷവിമര്‍ശനം. മന്ത്രിമാര്‍ക്ക് വിദേശ യാത്രയിലാണോ താല്പര്യമെന്നും സിംഗിള്‍ ബെഞ്ച് വാക്കാല്‍ ചോദിച്ചു. കോടതി ഉത്തരവുകള്‍ സര്‍ക്കാര്‍ നടപ്പാക്കുന്നില്ല. അങ്ങനെയെങ്കില്‍ കോടതി ഉത്തരവുകള്‍കൊണ്ടു പ്രയോജനമില്ല. സര്‍ക്കാരിന്‍റെ പ്രവര്‍ത്തനം കാര്യക്ഷമമല്ല. ജനങ്ങള്‍ക്ക് അവര്‍ അര്‍ഹിക്കുന്ന സര്‍ക്കാരിനെയാണു ലഭിക്കുകയെന്നൊരു ചൊല്ലുണ്ട്. ഈ സര്‍ക്കാരില്‍നിന്ന് കൂടുതലൊന്നും പ്രതീക്ഷിക്കുന്നില്ലെന്നും കോടതി പറഞ്ഞു. നാളികേര വികസന കോര്‍പറേഷനിലെ മുന്‍ ജീവനക്കാരുടെ ശമ്പളവും ആനുകൂല്യവും ഉള്‍പ്പെടെയുള്ള കുടിശിക മൂന്നു മാസത്തിനുള്ളില്‍ നല്‍കാന്‍ 2018 ഒക്ടോബര്‍ 17-ന് ഹൈക്കോടതി ഉത്തരവിട്ടിരുന്നു. ഒരുവര്‍ഷം കഴിഞ്ഞിട്ടും ഇതു നടപ്പാക്കിയില്ലെന്നാരോപിച്ച് മുന്‍ ജീവനക്കാര്‍ നല്‍കിയ കോടതിയലക്ഷ്യ ഹര്‍ജി പരിഗണിക്കുമ്പോഴാണ് ഹൈക്കോടതി സര്‍ക്കാരിനെ രൂക്ഷമായ ഭാഷയില്‍ വാക്കാല്‍ വിമര്‍ശിച്ചത്. സര്‍ക്കാര്‍ പണം എങ്ങനെ ചെലവഴിക്കുന്നുവെന്ന് മാധ്യമങ്ങളിലൂടെ മനസ്സിലാകുന്നുണ്ടെന്നു കോടതി വ്യക്തമാക്കി. പ്രായമായ ജീവനക്കാരുടെ ആനുകൂല്യങ്ങള്‍ വിതരണം ചെയ്യുന്നതാണ് തടസപ്പെട്ടത്. ഐഎഎസ് ഉദ്യോഗസ്ഥര്‍ എസി മുറികളിലിരുന്ന് സാധാരണക്കാരന്‍റെ പ്രശ്നങ്ങള്‍ മനസ്സിലാക്കാതെയാണ് ഉത്തരവിറക്കുന്നത്. സര്‍ക്കാര്‍ ബ്യൂറോക്രാറ്റുകളുടെ തടവിലാണെങ്കില്‍ പിന്നെ ഒന്നും പറയാനില്ല,. നാളികേര വികസന കോര്‍പറേഷന്‍റെ ഭൂമി മറ്റൊരു സ്ഥാപനത്തിന് പാട്ടത്തിനു നല്‍കിയിട്ടും ജീവനക്കാരുടെ കുടിശ്ശിക നല്‍കിയില്ല. ഇവരെ തൂക്കിക്കൊല്ലുകയായിരുന്നു ഇതിലും ഭേദമെന്ന് ജസ്റ്റിസ് ദേവന്‍ രാമചന്ദ്രന്‍ വാക്കാല്‍ പറഞ്ഞു.
- Details
തിരുവനന്തപുരം: പ്രവാസിയുടെ അതിജീവനത്തിന്‍റെ അവസാന അടവുകള്‍വരെ പയറ്റിയിട്ടും സിപിഐ മന്ത്രിമാരുടെ മന്ത്രിസഭാ ബഹിഷ്കരണമെന്ന വജ്രായുധമേറ്റ് പരാജയപ്പെട്ട ഗതാഗതമന്ത്രി തോമസ് ചാണ്ടി ഗത്യന്തരമില്ലാതെ മന്ത്രിസ്ഥാനം രാജിവെച്ചു.
Sponsored Advertisments
