ജോജോ തോമസ്, പാലത്ര, ന്യൂയോര്‍ക്ക്

ന്യൂയോര്‍ക്ക്: അമേരിക്കയില്‍ വളരുന്ന ഇന്ത്യന്‍ വംശജരിലെ കുട്ടികളിലെ സംഗീതവും നൃത്തവും പ്രോത്സാഹിപ്പിക്കുന്ന സരസ്വതി അവാര്‍ഡ്സിന്‍റെ 19-ാം സരസ്വതി അവാര്‍ഡിനുള്ള മത്സരങ്ങള്‍ സെപ്റ്റംബര്‍ 16-ന് ശനിയാഴ്ച ന്യൂയോര്‍ക്കിലെ ഫ്ളോറല്‍ പാര്‍ക്കിലുള്ള ടൈസണ്‍ സെന്‍ററില്‍ വെച്ച് നടത്തുന്നു.

അമേരിക്കയില്‍ വളരുന്ന ഇന്ത്യന്‍ വംശജരുടെ 5 വയസ്സു മുതല്‍ 15 വയസ്സു വരെ പ്രായമുള്ള കുട്ടികള്‍ക്ക് ഈ മത്സരത്തില്‍ പങ്കെടുക്കാവുന്നതാണ്. ഫ്ളോറല്‍ പാര്‍ക്കിലെ ടൈസണ്‍ സെന്‍ററില്‍ വെച്ച് സെപ്തംബര്‍ 16-ന് രാവിലെ 9 മണിക്ക് തുടങ്ങുന്ന മത്സരങ്ങളില്‍ ഇന്ത്യന്‍ ഭാഷകളിലെ സംഗീതം, ശാസ്ത്രീയസംഗീതം, നാടോടിനൃത്തം, ഭരതനാട്യനൃത്തം എന്നിവ ഉള്‍പ്പെടുന്നു. പ്രീജൂണിയര്‍, സബ്ജൂണിയര്‍, ജൂണിയര്‍ എന്നീ വിഭാഗങ്ങളിലാണ് മത്സരങ്ങള്‍ നടക്കുക.

വൈകുന്നേരം 6 മണിക്ക് വിശിഷ്ടാതിഥികളും നൃത്തസംഗീത ഗുരുക്കളും സാംസ്കാരിക പ്രമുഖരും പങ്കെടുക്കുന്ന വേദിയില്‍ വെച്ച് സരസ്വതി അവാര്‍ഡുകള്‍ സമ്മാനിക്കുന്നു. സംഗീത-നൃത്ത കലാവിരുന്ന് അവാര്‍ഡ്ദാന ചടങ്ങിന് മാറ്റ് കൂട്ടുന്നു.

മത്സരങ്ങളില്‍ പങ്കെടുക്കാന്‍ താത്പര്യമുള്ള സംഗീത-നൃത്ത വിദ്യാര്‍ത്ഥികള്‍ ജൂലൈ 28-ന് മുമ്പായി രജിസ്റ്റര്‍ ചെയ്യണമെന്ന് സംഘാടകര്‍ അറിയിക്കുന്നു. കൂടുതല്‍ വിവരങ്ങള്‍ക്കും അപേക്ഷാഫോറത്തിനും ബന്ധപ്പെടുക: ജോജോ തോമസ് 516-455-9739, മാത്യു സിറിയക് 516-754-1311, ഡോ. അശോക് കുമാര്‍ 516-243-8640, സെബാസ്റ്റ്യന്‍ തോമസ് 516-476-1697, ബി. അരവിന്ദാക്ഷന്‍ 516-616-0233, മറിയ ഉണ്ണി 516-424-1853, E-mail: SARASWATHIAWARDS@GMAIL.COM

ജോജോ തോമസ്, പാലത്ര, ന്യൂയോര്‍ക്ക്