Chicago
CHICAGO, US
-12°C

ചിക്കാഗോ എക്യുമെനിക്കല്‍ ക്രിസ്മസ് ആഘോഷം: ഒരുക്കങ്ങള്‍ പൂര്‍ത്തിയായി

sponsored advertisements

sponsored advertisements

sponsored advertisements

7 December 2022

ചിക്കാഗോ എക്യുമെനിക്കല്‍ ക്രിസ്മസ് ആഘോഷം: ഒരുക്കങ്ങള്‍ പൂര്‍ത്തിയായി

ബഞ്ചമിന്‍ തോമസ്
ചിക്കാഗോ: ചിക്കാഗോ എക്യുമെനിക്കല്‍ കൗണ്‍സിലിന്‍റെ ആഭിമുഖ്യത്തില്‍ നടത്തപ്പെടുന്ന 39-ാമത് ക്രിസ്മസ് ആഘോഷങ്ങളുടെ ഒരുക്കങ്ങള്‍ പൂര്‍ത്തിയായതായി എക്യുമെനിക്കല്‍ കൗണ്‍സില്‍ ഭാരവാഹികള്‍ അറിയിച്ചു. ഡിസംബര്‍ 10-ന് ശനിയാഴ്ച വൈകിട്ട് 5-ന് മാര്‍തോമ്മ ശ്ലീഹാ സീറോ മലബാര്‍ കാത്തലിക് കത്തീഡ്രല്‍ ഓഡിറ്റോറിയത്തില്‍വെച്ച് നടത്തപ്പെടുന്ന ആഘോഷങ്ങളില്‍ ചിക്കാഗോ സെയിന്‍റ് തോമസ് സീറോ മലബാര്‍ കത്തോലിക്കാ രൂപതയുടെ നവ അദ്ധ്യക്ഷന്‍ അഭി.മാര്‍ ജോയി ആലപ്പാട്ട് പിതാവ് ക്രിസ്മസ് സന്ദേശം നല്‍കും.
എക്യുമെനിക്കല്‍ കൗണ്‍സില്‍ അംഗങ്ങളും വൈദികരും ബിഷപ്പും ഘോഷയാത്രയായി വരുമ്പോള്‍, എക്യുമെനിക്കല്‍ ഗായകസംഘം O’ come all ye faithful’ ഗാനം ആലപിക്കും. തുടര്‍ന്ന് നടക്കുന്ന പ്രാര്‍ത്ഥനാ ശുശ്രൂഷകള്‍ക്ക് എക്യു. വൈസ് പ്രസിഡണ്ട് റവ. ഫാ. എബി ചാക്കോ നേതൃത്വം നല്കും.
തുടര്‍ന്നു നടക്കുന്ന പൊതു സമ്മേളനത്തില്‍ എക്യു. കൗണ്‍സില്‍ പ്രസിഡണ്ട് റവ. മോണ്‍. തോമസ് മുളവനാല്‍ ആദ്ധ്യക്ഷം വഹിക്കും. അഭി.മാര്‍ ജോയി ആലപ്പാട്ട് പിതാവ് നിലവിളക്ക് തെളിച്ച് സമ്മേളനം ഉദ്ഘാടനം ചെയ്യുകയും ക്രിസ്മസ് സന്ദേശം നല്കുകയും ചെയ്യും.
മാര്‍ ജോയി ആലപ്പാട്ടിന്‍റെ സ്ഥാനലബ്ദിയില്‍ റവ. മോണ്‍. തോമസ് മുളവനാല്‍ എക്യു. കൗണ്‍സിലിന്‍റെ ആശംസകള്‍ നേരുകയും ആശംസാഫലകം നല്കി ആദരിക്കുകയും ചെയ്യും.
ക്രിസ്മസ് പ്രോഗ്രാമിന് സാമ്പത്തികസഹായം നല്കിയ സ്പോണ്‍സേഴ്സിനെ പ്രശംസാഫലം നല്കി ആദരിക്കും.
‘Home for Homeless’ പദ്ധതിയിലൂടെ ഭവനരഹിതര്‍ക്കായി നിര്‍മ്മിച്ചു നല്കുന്ന വീടിന്‍റെ താക്കോല്‍ദാന ചടങ്ങും നിര്‍വഹിക്കും.
എക്യുമെനിക്കല്‍ വോളീബോള്‍ ടൂര്‍ണമെന്‍റില്‍ വിജയിച്ച ടീമുകള്‍ക്കുള്ള ട്രോഫികളും തദവസരത്തില്‍ വിതരണം ചെയ്യും.
എക്യു. കൗണ്‍സിലിലെ അംഗങ്ങളായ 15 ദേവാലയങ്ങളില്‍ നിന്നുമുള്ള മനോഹരങ്ങളായ ഗാനങ്ങള്‍, നൃത്തങ്ങള്‍, നാടകങ്ങള്‍ എന്നിവകളും അവതരിപ്പിക്കപ്പെടും.
35 അംഗങ്ങള്‍ ഉള്‍പ്പെടുന്ന എക്യുമെനിക്കല്‍ കരോള്‍ ഗായകസംഘത്തിന് ക്വയര്‍ കോ-ഓര്‍ഡിനേറ്റര്‍ എന്ന നിലയില്‍ റവ. അജിത് കെ. തോമസാണ് നേതൃത്വം നല്കുന്നത്.
ക്രിസ്മസ് ആഘോഷങ്ങളുടെ വിജയത്തിനായി റവ. ഫാ. ഹാം ജോസഫ് (ചെയര്‍മാന്‍), ആന്‍റോ കവലയ്ക്കല്‍ (ജന. കണ്‍വീനര്‍), ബഞ്ചമിന്‍ തോമസ് (പ്രോഗ്രാം കോ-ഓര്‍ഡിനേറ്റര്‍) കൂടാതെ 40 അംഗങ്ങള്‍ ഉള്‍പ്പെടുന്ന ക്രിസ്മസ് കമ്മിറ്റിയും പ്രവര്‍ത്തിക്കുന്നു.മാര്‍തോമ്മാ, സി.എസ്.ഐ, യാക്കോബായ, ഓര്‍ത്തഡോക്സ്, കത്തോലിക്ക സഭകളുടെ കൂട്ടായ്മയാണ് ചിക്കാഗോ എക്യുമെനിക്കല്‍ കൗണ്‍സില്‍. റവ. മോണ്‍. തോമസ് മുളവനാല്‍ (പ്രസിഡണ്ട്), റവ. ഫാ. എബി ചാക്കോ (വൈസ് പ്രസിഡണ്ട്), ഏലിയാമ്മ പുന്നൂസ് (സെക്രട്ടറി), പ്രവീണ്‍ തോമസ് (ട്രഷറര്‍), സാം തോമസ് (ജോ. സെക്രട്ടറി) ബിജോയി സഖറിയാ (ജോ. ട്രഷറര്‍) എന്നീ എക്സിക്യൂട്ടീവ് അംഗങ്ങളാണ് ചിക്കാഗോ എക്യു.കൗണ്‍സിലിന് നേതൃത്വം നല്കുന്നത്.
അഭി. മാര്‍ ജേക്കബ് അങ്ങാടിയത്ത് പിതാവും അഭി. മാര്‍ ജോയി ആലപ്പാട്ടു പിതാവും ചിക്കാഗോ എക്യുമെനിക്കല്‍ കൗണ്‍സിലിന്‍റെ രക്ഷാധികാരികളാണ്.
ഏവരെയും ക്രിസ്മസ് ആഘോഷ പരിപാടികളിലേക്ക് കുടുംബസമേതം എക്യുമെനിക്കല്‍ കൗണ്‍സില്‍ സ്വാഗതം ചെയ്യുന്നു.

BISHOP MAR JOY ALAPPAT CHIEF GUEST
MSGR.THOMAS MULAVANAL PRESIDENT
REV FR ABY CHACKO VICE PRESIDENT
Fr.Ham joseph PROGRAM CHAIRMAN
Aleyamma Punnoose Secretary
PRAVEEN THOMAS TREASURER
SAM T THOMAS JOINT SECRETARY
BEJOY ZACHARIAH JOINT TREASURER
ANTO KAVALACKAL GENERAL CONVENOR
BENJAMIN THOMAS PROGRAM COORDINATOR