ഉമ്മൻ കാപ്പിൽ
ജാക്സൺ ഹൈറ്റ്സ് (ന്യൂയോർക്ക്): മലങ്കര ഓർത്തഡോക്സ് സുറിയാനി സഭയുടെ നോർത്ത് ഈസ്റ്റ് അമേരിക്കൻ ഭദ്രാസന ഫാമിലി & യൂത്ത് കോൺഫറൻസ് രജിസ്ട്രേഷൻ ജാക്സൺ ഹൈറ്റ്സ് സെന്റ് മേരീസ് ഓർത്തഡോക്സ് ഇടവകയിൽ ആരംഭിച്ചു. ഫെബ്രുവരി 26 ഞായറാഴ്ച, ഫാമിലി & യൂത്ത് കോൺഫറൻസ് ടീം ഇടവക സന്ദർശിച്ചു. വിശുദ്ധ കുർബാനയ്ക്കുശേഷം ഫാമിലി & യൂത്ത് കോൺഫറൻസിന് കിക്ക് ഓഫ് മീറ്റിങ്ങും ഉണ്ടായിരുന്നു.
വികാരി ഫാ. ജോൺ തോമസ് കോൺഫറൻസ് പ്രതിനിധികളെ സ്വാഗതം ചെയ്തു. കോൺഫറൻസിൽ പങ്കെടുക്കേണ്ടതിന്റെ പ്രാധാന്യത്തെക്കുറിച്ച് ഫാ. ജോൺ തോമസ് സംസാരിക്കുകയും ഈ വർഷത്തെ കോൺഫറൻസ് വേദിയായ ഹോളി ട്രാൻസ്ഫിഗറേഷൻ റിട്രീറ്റ് സെന്റർ ആസ്വദിക്കുവാൻ ഇടവകാംഗങ്ങളെ പ്രേരിപ്പിക്കുകയും ചെയ്തു. മാത്യു ജോഷ്വ (ട്രഷറർ), മാത്യു വർഗീസ്, മേരി വർഗീസ് (ഫാമിലി കോൺഫറൻസ് കമ്മിറ്റി അംഗങ്ങൾ) എന്നിവരടങ്ങിയ കോൺഫറൻസ് ടീമിനെ സജി എം പോത്തൻ (കോൺഫറൻസ് ഫിനാൻസ് മാനേജർ) പരിചയപ്പെടുത്തി.
സമ്മേളനത്തിന്റെ തീയതി,, ചിന്താവിഷയം, പ്രഭാഷകർ എന്നിവ ഉൾപ്പെടെയുള്ള വിശദാംശങ്ങൾ സജി എം.പോത്തൻ നൽകി. മാത്യു ജോഷ്വ രജിസ്ട്രേഷൻ നടപടികളെക്കുറിച്ച് വിശദീകരിച്ചപ്പോൾ മാത്യു വർഗീസ് സ്പോൺസർഷിപ്പിനെക്കുറിച്ചും സുവനീറിനെക്കുറിച്ചും സംസാരിച്ചു. മേരി വർഗീസ് സ്ത്രീ ശാക്തീകരണത്തിൽ ശ്രദ്ധ കേന്ദ്രീകരിച്ചു, കൂടാതെ എല്ലാ മർത്തമറിയം സമാജാംഗങ്ങളും രജിസ്റ്റർ ചെയ്യാൻ അഭ്യർത്ഥിച്ചു.
ജെനി തോമസ് റഹ്മാൻ (ഇടവക സെക്രട്ടറി), ജോൺ താമരവേലിൽ (ഇടവക ട്രഷറർ/ ഭദ്രാസന അസംബ്ലി അംഗം), ഗീവർഗീസ് ജേക്കബ് (മലങ്കര അസോസിയേഷൻ അംഗം/ ഭദ്രാസന അസംബ്ലി അംഗം) എന്നിവർ വേദിയിലുണ്ടായിരുന്നു. ഇടവക സന്ദർശിച്ച കോൺഫറൻസ് ടീമിന് ജോൺ താമരവേലിൽ നന്ദി പറയുകയും മുമ്പത്തെ എല്ലാ ഫാമിലി കോൺഫറൻസുകളിലും സഭാംഗങ്ങൾ വളരെ സജീവമായിരുന്നുവെന്ന് എല്ലാവരെയും ഓർമ്മിപ്പിക്കുകയും ഈ വർഷവും അത് പ്രതീക്ഷിക്കാമെന്ന് വാഗ്ദാനം നൽകുകയും ചെയ്തു.
പള്ളിയിൽ നിന്നുള്ള സുവനീർ ആശംസ ഇടവക വികാരി കോൺഫറൻസ് ടീമിന് കൈമാറി. ഗ്രാൻഡ് സ്പോൺസർ ആയി എൽസിക്കുട്ടി മാത്യു സംഭാവന നൽകി. ഷിബു തോമസ്, സിജി ജേക്കബ്, ജാഫി ജോൺ, സിബി ജേക്കബ്, ബിജു തരിയൻ തുടങ്ങി നിരവധി ഇടവകാംഗങ്ങൾ സുവനീറിന് ആശംസകളും പരസ്യങ്ങളും നൽകി പിന്തുണ അറിയിച്ചു.
കോൺഫറൻസ് 2023 ജൂലൈ 12 മുതൽ 15 വരെ നോർത്ത് ഈസ്റ്റ് അമേരിക്കൻ ഭദ്രാസനത്തിലെ ഹോളി ട്രാൻസ്ഫിഗറേഷൻ റിട്രീറ്റ് സെന്ററിൽ നടക്കും. യൂറോപ്പ്/ആഫ്രിക്ക ഭദ്രാസനാധിപൻ അഭിവന്ദ്യ ഡോ. എബ്രഹാം മാർ സ്തേഫാനോസ് മെത്രാപ്പോലീത്ത മുഖ്യ പ്രഭാഷകനായിരിക്കും. സൗത്ത് വെസ്റ്റ് അമേരിക്കൻ ഭദ്രാസന യൂത്ത് മിനിസ്റ്റർ ഫാ. മാറ്റ് അലക്സാണ്ടർ യുവജനങ്ങൾക്കായുള്ള സെഷനുകൾ നയിക്കും. യോവേൽ 2:28-ൽ നിന്നുള്ള “എല്ലാ ജഡത്തിന്മേലും ഞാൻ എന്റെ ആത്മാവിനെ പകരും” എന്നതാണ് ഈ വർഷത്തെ കോൺഫറൻസിൻറെ മുഖ്യ ചിന്താവിഷയം.
കൂടുതൽ വിവരങ്ങൾക്ക്, ഫാ. സണ്ണി ജോസഫ്, കോൺഫറൻസ് ഡയറക്ടർ (ഫോൺ: 718.608.5583) ചെറിയാൻ പെരുമാൾ, കോൺഫറൻസ് സെക്രട്ടറി (ഫോൺ: 516.439.9087) എന്നിവരുമായി ബന്ധപ്പെടുക.