ഹൂസ്റ്റൺ: എബ്രഹാം മുത്തോലത്ത്  ഫൗണ്ടേഷൻ വികസിപ്പിച്ചെടുത്ത bibleinterpretation.ai എന്ന ഓൺലൈൻ പ്ലാറ്റ്‌ഫോമിന്റെ ഉദ്ഘാടനം
2024 ഒക്‌ടോബർ 20-ന് പൂനാ മലങ്കര ബിഷപ്പ് മാത്യൂസ് മാർ പക്കോമിയൂസ് ഹൂസ്റ്റണിൽ നിർവഹിക്കും. വിശ്വാസവും സാങ്കേതികവിദ്യയും സമുന്വയിപ്പിക്കുന്ന ആർട്ടിഫിഷൻ ഇന്റെലിജൻസ് പദ്ധതിയാണിത്.
 
ആഴത്തിലുള്ള ബൈബിൾ ഉൾക്കാഴ്ചകളും വ്യാഖ്യാനങ്ങളും മാർഗനിർദേശങ്ങളും നൽകിക്കൊണ്ട് ക്രൈസ്തവവിശ്വാസികൾ, പണ്ഡിതർ, ആത്മീയ നേതാക്കൾ, മതബോധന അധ്യാപകർ, ആത്മീയ അന്വേഷകർ എന്നിവരെ ശാക്തീകരിക്കുന്നതിനാണ് bibleinterpretation.ai രൂപകൽപ്പന ചെയ്തിരിക്കുന്നത്. വ്യത്യസ്ത ശ്രേണിയികളിലുള്ള ഉപയോക്താക്കൾക്ക് അവശ്യ ഉപകരണമായി പ്രവർത്തിക്കുമെന്ന് ഈ പ്ലാറ്റ്ഫോം വാഗ്ദാനം ചെയ്യുന്നു:
 
- ബൈബിൾ പണ്ഡിതർ: ഈ നൂതന ഉപകരണം വിശദവും പണ്ഡിതോചിതവുമായ ബൈബിൾ വ്യാഖ്യാനങ്ങൾ നൽകുന്നു. അക്കാദമിക് വിദഗ്ധർക്കും ഗവേഷകർക്കും അവരുടെ പഠനങ്ങൾക്ക് ശക്തവും ഫലപ്രദവുമായ ഉൾക്കാഴ്‌ചകൾ നല്കുന്നു.
 
- പുരോഹിതന്മാർ, സഭാ നേതാക്കൾ: കൂടുതൽ അർഥവത്തായ പ്രഭാഷണങ്ങൾ നടത്താനും ആഴത്തിലുള്ള ദൈവശാസ്ത്ര ധാരണയോടെ നയിക്കാനും പുരോഹിതന്മാരെ ഇതു സഹായിക്കുന്നു. കൂടാതെ വചന പ്രഘോഷണത്തിന്‌ മാർഗനിർദേശവും സഭാ പഠനങ്ങളും പാരമ്പര്യങ്ങളും ലഭ്യമാക്കുന്നു.
 
- ആത്മീയ അന്വേഷകർ: ആത്മീയ യാത്രയിൽ വളരാൻ ആഗ്രഹിക്കുന്നവർക്ക്, വ്യക്തിഗത ധ്യാനത്തിനും പ്രയോഗത്തിനുമായി ആഴത്തിലുള്ള ദൈവശാസ്ത്ര ആശയങ്ങൾ ലളിതമാക്കി ലഭ്യമാക്കുന്നു. സങ്കീർണ്ണമായ ബൈബിൾ ഭാഗങ്ങൾ മനസ്സിലാക്കുന്നതിനുള്ള സഹായകരമായ വഴികാട്ടിയാണ് ഈ പ്ലാറ്റ്ഫോം.
 
- മതബോധന അധ്യാപകർ: bibleinterpretation.ai അധ്യാപന ഫലപ്രാപ്തിയും വ്യക്തിഗത ആത്മീയ വളർച്ചയും വർദ്ധിപ്പിക്കുന്നതിന് ബൈബിൾ വ്യാഖ്യാനങ്ങൾ, പാഠാസൂത്രണ ഉറവിടങ്ങൾ, സംവേദനാത്മക ഉപകരണങ്ങൾ, തീമാറ്റിക് മാർഗ്ഗനിർദ്ദേശങ്ങൾ എന്നിവ അധ്യാപകർക്കു സജ്ജമാക്കുന്നു.
 
- ദൈവശാസ്ത്ര വിദ്യാർത്ഥികൾ: ഒരു വിദ്യാഭ്യാസ ഉപാധി എന്ന നിലയിൽ, bibleinterpretation.ai ദൈവശാസ്ത്ര വിദ്യാർത്ഥികളെ അവരുടെ പഠനങ്ങളിൽ സഹായിക്കും, അവർക്ക് പണ്ഡിതോചിത ലേഖനങ്ങൾ, വ്യാഖ്യാന സാങ്കേതികതകൾ, വേദഗ്രന്ഥ വിശകലനം എന്നിവയിലേക്ക് ഉടനടി ഉത്തരം നൽകും.
 
- വിശ്വാസികൾ: ജീവിത പ്രതിസന്ധികളിൽ, അത് വ്യക്തിജീവിതത്തിലോ, ദാമ്പത്യ ബന്ധത്തിലോ, കുടുംബാംഗങ്ങളുമായുള്ള ഇടപെടലിലോ, വേണ്ട ബൈബിൾ അധിഷ്ഠിത മാർഗദർശനം നല്‌കുന്നു.
 
ഫാ. എബ്രഹാം മുത്തോലത്ത് ഫൗണ്ടേഷൻ വികസിപ്പിച്ച Bibleinterpretation.ai വെറുമൊരു ഡിജിറ്റൽ റിസോഴ്സ് മാത്രമല്ല - ക്രിസ്ത്യൻ ജീവിതം മെച്ചപ്പെടുത്താൻ ഉദ്ദേശിച്ചുള്ള ഒരു ആത്മീയ പങ്കാളിയാണ്. ഉപയോക്തൃ-സൗഹൃദ ഇന്റർഫേസ് ഉപയോഗിച്ചുള്ള ഈ പ്ലാറ്റ്ഫോം ബൈബിളിനെ ആഴത്തിലുള്ളതും കൂടുതൽ സുഗമമവുമായ രീതിയിൽ ഉപയോക്താക്കൾക്ക് തികച്ചും സൗജന്യമായി ലഭ്യമാക്കുന്നു.
 
bibleinterpretation.ai എന്ന ഈ സമാരംഭം, ഡിജിറ്റൽ യുഗത്തിൽ നാം എങ്ങനെ വിശുദ്ധ ഗ്രന്ഥത്തെ വ്യാഖ്യാനിക്കുകയും പ്രയോജനപ്പെടുത്തുകയും ചെയ്യുന്നു എന്നതിന് ഒരു പുതിയ അധ്യായം തുറക്കുന്നു. ഹൂസ്റ്റൺ ഫൊറോനാ വികാരിയും നിരവധി ബൈബിൾ ഗ്രന്ഥങ്ങളുടെയും വെബ്സൈറ്റുകളുടെയും രചയിതാവുമായ റവ. ഫാ. ഏബ്രഹാം മുത്തോലത്തിന്റെ മറ്റൊരു സംരംഭമാണ്‌ നിർമ്മിത ബുദ്ധി ഉപയോഗിച്ചുള്ള bibleinterpretation.ai.

റവ. ഫാ. എബ്രഹാം മുത്തോലത്ത്