ചിക്കാഗോ : ചിക്കാഗോ മലയാളി അസോസിയേഷന്റെ ആഭിമുഖ്യത്തിൽ നവംബർ 3 ന് മൌണ്ട് പ്രോസ്പെക്റ്റിൽ ഉള്ള അസോസിയേഷൻ ഹാളിൽ കേരളപ്പിറവി ആഘോഷം നടക്കുമെന്ന് ഭാരവാഹികൾ അറിയിച്ചു .  നവംബർ 3 ന് വൈകിട്ട് 5 മണിക്ക് നടക്കുന്ന പരിപാടിയിൽ ധനകാര്യ വിദഗ്ധൻ സാബു തോമസ് മുഖ്യാതിഥി ആയിരിക്കും .റിട്ടയർമെന്റ് ആസൂത്രണം , ധനകാര്യ മാനേജ്മന്റ് ,എസ്റ്റേറ്റ് പ്ലാനിംഗ് തുടങ്ങിയ വിഷയങ്ങളെക്കുറിച്ച് അദ്ദേഹം ക്ലാസ് എടുക്കുകയും ചോദ്യങ്ങൾക്കുള്ള മറുപടി നൽകുകയും ചെയ്യും .
         നേരത്തെ ഒന്നായ തിരു -കൊച്ചി നാട്ടു രാജ്യങ്ങളും പിന്നീട് മലബാറും ചേർന്ന് 1956 നവംബർ 1 ന് രൂപീകൃതമായ കേരളം അന്ന് മുതലാണ് കേരളപ്പിറവി ആഘോഷിച്ചു തുടങ്ങിയത് .ലോകത്തിന്റെ ഏതു കോണിൽ ചേക്കേറിയാലും തങ്ങളുടെ ഭാഷയും സംസ്കാരവും പൈതൃകവും മറക്കാത്ത മറ്റു മലയാളികളെപ്പോലെ നമ്മൾ അമേരിക്കൻ മലയാളികളും അത് കൊണ്ട് തന്നെയാണ് എല്ലാ ആഘോഷങ്ങളും നെഞ്ചിലേറ്റുന്നത് .
      സംഘടനകളിൽ നിന്ന് നാമെന്താണ് പ്രതീക്ഷിക്കുന്നത് .നിരവധി സംഘടനകൾ ഉള്ള ഈ രാജ്യത്ത് ഈ സംഘടനകളെക്കുറിച്ചുള്ള നമ്മുടെ കാഴ്ചപ്പാട് എന്താണ് എന്ന വിഷയത്തെ അധികരിച്ചുള്ള ഒരു ചർച്ചയും കേരളപ്പിറവി ദിനത്തോടനുബന്ധിച്ച് മലയാളി അസോസിയേഷൻ സംഘടിപ്പിക്കുന്നു .
          ഈ ആഘോഷത്തിലേക്ക് എല്ലാ ചിക്കാഗോ മലയാളി സുഹൃത്തുക്കളെയും സ്വാഗതം ചെയ്യുന്നതായി ചിക്കാഗോ മലയാളി അസ്സോസ്സിയേഷൻ പ്രസിഡന്റ് ജെസ്സി റിൻസി ,സെക്രട്ടറി ആൽവിൻ ഷിക്കോർ ,എക്സിക്യൂട്ടീവ് കമ്മിറ്റി അംഗങ്ങളായ ഫിലിപ്പ് ലൂക്കോസ് ,സിബിൽ ഫിലിപ്പ് ,മനോജ് അച്ചേട്ട് , വിവീഷ് ജേക്കബ് എന്നിവർ അറിയിച്ചു .

Sabu Thomas 

JESSY RINCY 

ALWIN SHIKKORE 

MANOJ ACHETTU