ഇൻഡോർ:  ഐപിസി മദ്ധ്യ പ്രദേശ് സ്റ്റേറ്റിന്റെ 30-മത് വാർഷിക കോൺഫറൻസ് ഒക്ടോബർ 17 മുതൽ 20 വരെ ഇൻഡോറിലുള്ള പ്രേരണാ സദനിൽ വെച്ചു നടന്നു. സ്റ്റേറ്റ് പ്രസിഡന്റ് പാസ്റ്റർ ഡോ. സണ്ണി ഫിലിപ്പ് കേ കോൺഫ്രൻസ് ഉൽഘാടനം ചെയ്തു. പാസ്റ്റർമാരായ ഹെൻറി സാംസൺ, ഷിബു തോമസ്, സണ്ണി കുര്യൻ, ജേക്കബ് വർഗ്ഗീസ്, അനിൽ കുരുവിള, സുരേഷ് മാത്യു, റെജി ഫിലിപ്പ്, മനോജ് മാത്യു, സി. പി മോനായി തുടങ്ങിയവർ വിവിധ സെഷനുകളിൽ സംസാരിച്ചു. ബ്രദർ ജോജി ജോർജ് പ്രസംഗം പരിഭാഷ ചെയ്തു. ശനിയാഴ്ച രാവിലെ നടന്ന സഹോദരി സമ്മേളനത്തിൽ സിസ്റ്റർ രേഷ്മ തോമസ് പ്രസംഗിച്ചു.

ശനിയാഴ്ച ഉച്ച കഴിഞ്ഞു 30 വർഷത്തിന്റെ താങ്ക്സ്ഗിവിങ് ശുശ്രൂഷ നടന്നു. സ്റ്റേറ്റ് ക്വയർ ആരാധനക്കു നേതൃത്വം നൽകി. ഞായറാഴ്ച ഡോ. സണ്ണി ഫിലിപ്പിന്റെ നേതൃത്വത്തിൽ നടന്ന കർതൃമേശ യോടെകൂടി കോൺഫറൻസ് സമാപിച്ചു. ഐപിസി എം.പി ഇൻഡോർ ഡിസ്ട്രിക്ട് കമ്മിറ്റി ക്രമീകരണങ്ങൾക്കു ചുമതല വഹിച്ചു. 

19 പേർക്കു പാസ്റ്റർ ആയും, 5 പേർക്ക് ഇവാഞ്ചലിസ്റ്റ് ആയും ഓർഡിനേഷൻ നൽകി. 5 ഓർഡിനേഷനുള്ള പാസ്റ്റർമാരെ പ്രാർഥിച്ചു ഐപിസി എം.പി യിലേക്കു സ്വീകരിച്ചു. 451 ശുശ്രുഷകൻമാരുടെ നേതൃത്വത്തിൽ 708 കൂടിവരവുകളാണ് ഐപിസിക്കു മദ്ധ്യപ്രദേശിൽ ഇപ്പോൾ ഉള്ളത്.

പാസ്റ്റർ ഡോ. സണ്ണി ഫിലിപ്പ് (പ്രസിഡന്റ്), പാസ്റ്റർ വർഗീസ് മാത്യു (വൈസ് പ്രസിഡന്റ്), പാസ്റ്റർ മാത്യു യോഹന്നാൻ (സെക്രട്ടറി), പാസ്റ്റർ മൈക്കിൾ മാത്യു (ജോ. സെക്രട്ടറി), ബ്രദർ കെ . കെ രാജു (ജോ. സെക്രട്ടറി), ബ്രദർ ബാബു മാത്യു (ട്രഷറർ) എന്നിവർ ഉൾപ്പെടുന്ന 41 പേരുള്ള കൗൺസിൽ സ്റ്റേറ്റിന്റെ പ്രവർത്തനങ്ങൾക്കു നേതൃത്വം നൽകുന്നു.

വാർത്ത: പാസ്റ്റർ സി.പി. മോനായി