ചിക്കാഗോ: ഐപിസി ഷാലോം സഭ പ്രവർത്തനമാരംഭിച്ചിട്ട് 10 വർഷം പൂർത്തിയാക്കുന്നതിന്റെ സ്തോത്ര ശുശ്രൂഷ സമ്മേളനം ഒക്ടോബർ മാസം ഇരുപതാം തീയതി സഭായോഗാനന്തരം നടന്നു. സഭയുടെ സീനിയർ ശുശ്രൂഷകൻ പാസ്റ്റർ സിസി കുര്യാക്കോസിന്റെ അധ്യക്ഷതയിൽ നടന്ന സമ്മേളനത്തിൽ സഭാ സെക്രട്ടറി ബ്രദർ ജേക്കബ് സാമുവൽ സ്വാഗതം പറഞ്ഞു. ബ്ര സാമുവൽ ജോർജ് പ്രാരംഭ പ്രാർത്ഥന നടത്തി. കഴിഞ്ഞ 10 വർഷത്തെ സഭാ ചരിത്രം ബ്രദർ ജോർജ് ജോൺ അവതരിപ്പിച്ചു. അബിഗയിൽ ജോർജ് തയ്യാറാക്കിയ സഭയുടെ ചരിത്രം ഉൾക്കൊള്ളുന്ന ഡോക്യുമെന്ററിയും സൺഡേസ്കൂൾ പ്രസിദ്ധീകരിക്കുവാൻ ആഗ്രഹിക്കുന്ന മാസികയും മീറ്റിംഗിൽ പ്രദർശിപ്പിച്ചു. സഹ ശുശ്രൂഷകന്മാരായ പാസ്റ്റര്‍ സിസിൽ കോശി,പാസ്റ്റർ തോമസ് കുര്യൻ,പാസ്റ്റർ ഷാജി വർഗീസ്, പാസ്റ്റർ മാത്യു ഫിലിപ്പ് എന്നിവർ ആശംസകൾ അറിയിച്ചു.
മലയാളം കൊയർ, മലയാളം യൂത്ത് കൊയർ,ഇംഗ്ലീഷ് കൊയർ, ഇംഗ്ലീഷ് ജൂനിയർ കൊയർ എന്നിവർ വിവിധ സമയങ്ങളിലായി ഗാനങ്ങൾ ആലപിച്ചു.
ബ്ര ജോജോ ജോർജ് കൃതജ്ഞത രേഖപ്പെടുത്തി. പാസ്റ്റർ മാത്യൂസ് ഫിലിപ്പിന്റെ ആശിർവാദത്തോടെ സമ്മേളനം സമാപിച്ചു.