ചിക്കാഗോ: ഇവിടുത്തെ വിവിധ പെന്തെക്കോസ്തു സഭകളുടെ സംയുക്ത പ്രവർത്തനമായ എഫ് പി സി സി യുടെ ആഭിമുഖ്യത്തിൽ സെപ്റ്റംബർ 20 വെള്ളിയാഴ്ചയും 21 ശനിയാഴ്ചയും വൈകിട്ട് ആറര മണി മുതൽ 9 മണിവരെ ഐപിസി ചിക്കാഗോ ഓഡിറ്റോറിയത്തിൽ വച്ച് സംയുക്ത കൺവെൻഷനും ഇരുപത്തിരണ്ടാം തീയതി ഞായറാഴ്ച രാവിലെ 830 മണി മുതൽ ട്രിനിറ്റി ബൈബിൾ സെമിനാരിയിൽ വച്ച് സംയുക്ത ആരാധനയും നടത്തപ്പെടുന്നതാണെന്ന് ഭാരവാഹികളായ ഡോക്ടർ വില്ലി എബ്രഹാം പാസ്റ്റർ തോമസ് യോഹന്നാൻ എന്നിവർ അറിയിച്ചു. പാസ്റ്റർ അനീഷ്‌ തോമസ് റാന്നി മുഖ്യ സന്ദേശം നൽകും. സിറ്റിയിലെ വിവിധ ഭാഗങ്ങളിൽ നിന്നായി അനേക വിശ്വാസികളും പാസ്റ്റർമാരും പങ്കെടുക്കും. പ്രയ്‌സ് ആൻഡ് വർഷിപ്പ് വചന ധ്യാനം, തിരുവത്താഴ ശുശ്രൂഷ എന്നിവ ഇതോടനുബന്ധിച്ച് നടക്കും.