മയാമി: ഫാ. സജി പിണര്‍ക്കയില്‍ രചനയും സംഗീതവും നിര്‍വഹിച്ച്, പ്രിന്‍സ് ജോസഫ് ആലാപനവും ഓര്‍ക്കസ്ട്രേഷനും നിര്‍വഹിച്ച പൗരോഹിത്യ ജൂബിലി ഗാനം മാര്‍ ജോയി ആലപ്പാട്ട് പ്രകാശനം ചെയ്തു. കൈക്കുമ്പിളിലെ കനകനിധിയായ പൗരോഹിത്യം, നിത്യ പുരോഹിതന്‍റെ ഇഷ്ടത്തിനൊത്ത് ജീവിക്കാന്‍ സജിയച്ചന് പ്രചോദനമാകട്ടെ എന്ന് പിതാവ് ആശംസിച്ചു. സ്വീകരിക്കുന്നതിനേക്കള്‍ കൊടുക്കുന്നതില്‍ സംതൃപ്തി കണ്ടെത്തുന്ന സജിയച്ചന്‍ ചിക്കാഗോ രൂപതയ്ക്ക് ഒരു മാതൃകയാണന്ന് പിതാവ് ഓര്‍മ്മിച്ചു. ജൂബിലി ഗാനം ഇതിനോടകം നൂറുകണക്കിന് ആളുകള്‍ ഏറ്റെടുത്തു കഴിഞ്ഞു. ലൂര്‍ദ്, ഫാത്തിമ, റോസാമിസ്റ്റിക്കാ, മജുഗോറി തുടങ്ങിയ സ്ഥലത്തെ കാഴ്ചകള്‍കൊണ്ട് ചിത്രീകരിച്ചിരിക്കുന്ന വീഡിയോ കണ്ണിന് ആനന്ദകരമാണ്. സജി പിണര്‍ക്കയില്‍ എന്ന യൂട്യൂബ് ചാനലില്‍ ഇത് കാണാന്‍ സാധിക്കുന്നതാണ്.