ഡാളസ്: വേൾഡ് പീസ് മിഷൻ ചെയർമാനും, ലോകപ്രശസ്ത കുടുംബ പ്രേഷിതനും ഫാമിലി കൗൺസിലറും സംഗീതസംവിധായകനുമായ ഡോ.സണ്ണിസ്റ്റീഫൻ,ദൈവവചനത്തിന്റെയും ദൈവാനുഭവങ്ങളുടെയും അനുഗ്രഹ സന്ദേശങ്ങളുമായി ഈ വർഷം ഓഗസ്റ്റ് ആദ്യവാരം മുതൽ ഒക്ടോബർ 15 വരെ അമേരിക്കയിലും തുടർന്ന് കാനഡയിലും വചന സന്ദേശങ്ങൾ നൽകുന്നു.പ്രായോഗിക ജീവിതപാഠങ്ങൾ രസകരമായും,ലളിതമായും പറഞ്ഞുതന്ന് വചനം പങ്കുവയ്ക്കുന്ന ഇദ്ദേഹത്തിൻറെ വ്യാഖ്യാന രീതി വ്യത്യസ്തവും ശ്രദ്ധേയവുമാണ്.ലോകസമാധാന സന്ദേശങ്ങളുമായി 54 രാജ്യങ്ങളിൽ 43 വർഷമായി സഞ്ചരിക്കുന്ന ഈ അനുഗ്രഹീത സമാധാന പ്രേഷിതൻ അനേകം ജീവിതങ്ങളെ അനുഭവങ്ങളും അറിവുകളും പങ്കുവെച്ചും കൗൺസിലിങ്ങിലൂടെയും സമാധാന ജീവിതത്തിലേക്ക് മടക്കി കൊണ്ടുവന്നിട്ടുണ്ട് .