സാൻ  ഹോസെ , കാലിഫോർണിയ:  മാതാവിന്‍റെ നാമധേയത്തിൽ ഉള്ള സെന്‍റ് മേരീസ് ക്നാനായ കാത്തലിക് പള്ളിയിൽ Father's Day  ആഘോഷപൂർവ്വം കൊണ്ടാടി . 11 മണിക്കു നടന്ന പരിശുദ്ധ കുർബാനയിൽ തക്കല ബിഷപ്പ് Rev : ജോർജ്‌ രാജേന്ദ്രൻ മുഖ്യ കാർമികത്വം വഹിച്ചു . ടാൻസാനിയ കെനിയ പ്രൊവിൻസിലെ  സെലേഷ്യൻ അച്ചൻ Fr : സാജൻ മുളയാനിക്കലും സെന്‍റ് മേരീസ് ക്നാനായ കാത്തലിക്‌ പള്ളി വികാരി Fr : ജെമി പുതുശ്ശേരിയും സഹ കാർമികന്മാരായി ഈ കുർബാനയിൽ പങ്കു ചേർന്നു. ഇടവകയിൽ ഉള്ള എല്ലാ പിതാക്കന്മാർക്കും മൂവരും നല്ലൊരു പിതൃദിനം ആശംസിച്ചു .

പിന്നീട് എല്ലാ ഇടവക ജനങ്ങളും പള്ളി  ഹാളിൽ ഒത്തുകൂടി പിതൃദിനത്തിന്റെ  ഭാഗമായി കേക്ക് മുറിക്കുക ഉണ്ടായി . വിമൻസ് ഫോറം ആണ് ഈ ആഘോഷങ്ങൾക്ക് നേതൃത്വം നൽകിയത് . വിമൻസ്  ഫോറം പ്രസിഡന്‍റ് ശ്രീമതി നിഷി വെള്ളിയാൻ നല്ലൊരു father's day ആശംസിക്കുന്നതിനോടൊപ്പം ഈ ആഘോഷം ഏറ്റവും ഭംഗിയായി നടത്തുവാൻ സഹകരിച്ച എല്ലാവർക്കും നന്ദി രേഖപ്പെടുത്തി .