എംസി റോഡിൽ പന്തളം പാട്ടുപുരക്കാവ് ജംക്ഷനിലുണ്ടായ വാഹനാപകടത്തിൽ കാർ ഡ്രൈവർക്ക് ദാരുണാന്ത്യം. കൊട്ടാരക്കര കുളക്കട പ്രണവം വീട്ടിൽ പ്രണവ് (23) ആണ് അപകടത്തിൽ മരിച്ചത്. ശനിയാഴ്ച (സെപ്റ്റംബർ 26) രാത്രി 12.30-ഓടെയാണ് അടൂർ ഭാഗത്തേക്ക് പോവുകയായിരുന്ന കാറും എതിർദിശയിൽ വന്ന മിനിബസും തമ്മിൽ കൂട്ടിയിടിച്ചത്.

അപകടത്തിൽ പ്രണവിനൊപ്പം കാറിലുണ്ടായിരുന്ന അദ്ദേഹത്തിന്റെ അമ്മയ്ക്കും ഗുരുതരമായി പരിക്കേറ്റിട്ടുണ്ട്. ഇവർ ഇപ്പോൾ അടൂരിലെ സ്വകാര്യ ആശുപത്രിയിൽ ചികിത്സയിലാണ്. വാഹനമോടിക്കുന്നതിനിടയിൽ ഡ്രൈവർ ഉറങ്ങിപ്പോയതാണ് അപകടത്തിന് കാരണമെന്നാണ് പൊലീസിന്റെ പ്രാഥമിക നിഗമനം. കിളിമാനൂരിൽ നിന്ന് ഗുരുവായൂരിലേക്ക് പോവുകയായിരുന്ന സംഘം സഞ്ചരിച്ച മിനിബസിലെ യാത്രികർക്കും നിസ്സാര പരിക്കുകളുണ്ട്.