ക്നാനായ കാത്തലിക്ക് കോൺഗ്രസ്സ് ഓഫ് ഓഷ്യാനയും, വിക്ടോറിയാ ക്നാനായ കാത്തലിക്ക് കോൺഗ്രസ്സ് ആതിഥ്യം വഹിക്കുന്ന കൺവൻഷന് ആവേശകരമായ തുടക്കം കുറിക്കുകയാണ് ഒകോടോബർ 4, 5, 6 തീയതികളിൽ മെൽബണിന്റെ ഗ്രേറ്റ് ഓഷ്യൻ റോഡിലുള്ള ലോൺ മന്ത്രാ റിസോർട്ടിൽ വെള്ളിയാഴ്ച രാവിലെ 10 മണി മുതൽ രജിസ്ട്രേഷൻ ആരംഭിക്കും. ഉച്ചയ്ക്ക് 12 മണിക്ക് വോളിബോൾ മത്സരങ്ങൾ ആരംഭിക്കും.
അംഗങ്ങളുടെ രജിസ്ട്രേഷനു ശേഷം ഓഷ്വാന കമ്മറ്റിയുടെ പ്രസിഡന്റ് സജി കുന്നുംപുറം പതാക ഉയർത്തും. വൈകുന്നേരം 4.30 ന് മെൽബൺ ക്നാനായ കാത്തലിക്ക് മിഷന്റെ വികാരി ഫാദർ അഭിലാഷ് കണ്ണംപാടത്തിന്റെ മുഖ്യകാർമ്മികത്വത്തിൽ വിശുദ്ധ കുർബ്ബാന
അർപ്പിക്കും. മൂന്ന് ദിവസം നീണ്ടുനിൽക്കുന്ന പൈതൃകം 2024 -ൽ മിസ്റ്റർ & മിസ്സിസ് ക്നാനാമത്സരം, ചെണ്ടമേള മത്സരം, ഓഷ്വാനയിലെ വിവിധ കെ.സി.വൈ.എൽ. യൂണിറ്റുകൾ അവതരിപ്പിക്കുന്ന സംഘനൃത്ത മത്സരം, വടം വലി മത്സരം, ക്നാനായ തനിമ വിളിച്ചോതുന്ന
കൺവൻഷൻ റാലി, കാണികളെ അത്ഭുതപ്പെടുത്തുന്ന വിവിധ കലാപരിപാടികൾ എന്നിവ അരങ്ങേറും.

ഒക്ടോബർ 2-ാം തീയതി ബുധനാഴ്ച വൈകിട്ട് മെൽബൺ എയർപ്പോർട്ടിൽ എത്തിചേരുന്ന പൈതൃകം 2024 -ലെ വിശിഷ്ഠാ അതിഥികൾ ആയ ഫാദർ ജോബി പാറയ്ക്കചെരുവിൽ, (യു.എസ്.എ.) ബിജു കെ.സ്റ്റീഫൻ സൂപ്രണ്ടന്റ് ഓഫ് പോലീസ് (ക്രൈം ബ്രാഞ്ച്
ഇടുക്കി) എന്നിവരെ കൺവൻഷൻ ഭാരവാഹികളും, വിവിധ കമ്മറ്റിക്കാരും ആവേശോജ്ജ്വലമായ സ്വീകരണം നൽകും. ക്നാനായ സമുദായത്തിലെ ആദ്യത്തെ സൂപ്രണ്ട് ഓഫ് പോലീസ് ആണ് ബിജു കെ.സ്റ്റീഫൻ.

മെൽബൺ എയർപോർട്ടിൽ എത്തി ചേരുന്ന വിശിഷ്ഠാ അതിഥികളെ അനേകം വാഹനങ്ങളുടെ അകമ്പടിയോടെ കൂടി സമ്മേളന നഗറിയിലേക്ക് ആനയിക്കും.പൈതൃകം 2024 - കൺവൻഷൻ വിജയിപ്പിക്കുന്നതിന് വേണ്ടി പ്രസിഡന്റ് സജി കുന്നുംപുറത്തിന്റേയും,
സെക്രട്ടറി ഷാജോ തെക്കേ വെളിയിലിന്റെയും ചെയർമാൻ തോമസ് സജീവന്റേയും, വിവിധ കമ്മറ്റി കൺവീനർമാർ, കമ്മറ്റി അംഗങ്ങൾ എന്നിവരുടെ നേതൃത്വത്തിൽ വിപുലമായ ഒരുക്കങ്ങൾ ആണ് നടന്ന് വരുന്നത്. ക്നാനായ കാത്തലിക്ക് കോൺഗ്രസ് ഓഫ് ഓഷ്വാനയുടെ പൈതൃകം 2024 കൺവൻഷനിൽ ആയിരത്തിൽ അധികം പ്രതിനിധികൾ പങ്കെടുക്കുമെന്ന് ഭാരവാഹികൾ അറിയിക്കുന്നു.

മെൽബൺ : റെജി പാറയ്ക്കൽ