“തീർത്ഥാടകന്റെ വഴി”യിൽ ഓർത്തഡോക്സ് ഫാമിലി കോൺഫറൻസ് 
-ഉമ്മൻ കാപ്പിൽ & ജോർജ് തുമ്പയിൽ 
സ്റ്റാംഫോർഡ്, കണക്റ്റിക്കട്ട്, ജൂലൈ 9: ആത്മീയ നവീകരണത്തിന്റെ ചൈതന്യത്തോടെയും മൺമറഞ്ഞ പിതാക്കന്മാരുടെ വിശ്വാസം ഉയർത്തിപ്പിടിക്കാനുള്ള ആഗ്രഹത്തോടെയും, മലങ്കര ഓർത്തഡോക്സ് സഭയുടെ നോർത്ത് ഈസ്റ്റ് അമേരിക്കൻ ഭദ്രാസനം  ഇന്ന് ഹിൽട്ടൺ സ്റ്റാംഫോർഡ് ഹോട്ടൽ ആൻഡ് കൺവെൻഷൻ സെന്ററിൽ ഫാമിലി & യൂത്ത് കോൺഫറൻസ് ഉദ്ഘാടനം ചെയ്യും.
നാല് ദിവസം നീളുന്ന കോൺഫറൻസ്  കേരളത്തനിമയും സഭ പാരമ്പര്യവും വിളിച്ചോതുന്ന  മഹത്തായ ഘോഷയാത്രയോടെ ആരംഭിക്കും, തുടർന്ന് ഗ്രാൻഡ് ബാൾറൂമിൽ പൊതുസമ്മേളനത്തോടെ കോൺഫറൻസിന്റെ ഔപചാരികമായ തുടക്കമാവും.  
വിശ്വാസം ആഴപ്പെടുത്തുന്നതിനും ആത്മീയ പുനരുജ്ജീവനത്തിനുമുള്ള സമയമാണ് കോൺഫറൻസ് എന്ന് ഭദ്രാസന മെത്രാപ്പോലീത്ത സക്കറിയ മാർ നിക്കളാവോസ്‌ വിശേഷിപ്പിച്ചു.
ഭദ്രാസന മെത്രാപ്പോലീത്തായുടെ ആത്മീയ നേതൃത്വത്തിലും ഭദ്രാസന കൗൺസിലും ഫാമിലി കോൺഫറൻസ് കമ്മിറ്റിയും ഏകോപിപ്പിച്ചു സംഘടിപ്പിക്കുന്ന ഈ കോൺഫറൻസിൽ, ഭദ്രാസനത്തിലുടനീളമുള്ള വൈദികരും വിശ്വാസികളും വളരെ പ്രതീക്ഷയോടെ പങ്കെടുക്കുന്നു.
"തീർത്ഥാടകന്റെ വഴി" എന്ന ഈ വർഷത്തെ മുഖ്യ ചിന്താ വിഷയം ഫിലിപ്പിയർ 3:20 ൽ നിന്ന് പ്രചോദനം ഉൾക്കൊണ്ടതാണ്: "എന്നാൽ നമ്മുടെ പൗരത്വം സ്വർഗ്ഗത്തിലാണ്. അവിടെ നിന്ന് ഒരു രക്ഷകനെ, കർത്താവായ യേശുക്രിസ്തുവിനെ, നാം ആകാംക്ഷയോടെ കാത്തിരിക്കുന്നു."
കോൺഫറൻസിൽ വിശിഷ്ട പ്രഭാഷകരുടെ ഒരു നിര ഉണ്ടായിരിക്കും, അതിൽ ഉൾപ്പെടുന്നവർ:
• മലങ്കര ഓർത്തഡോക്സ് വൈദിക അസോസിയേഷന്റെ ജനറൽ സെക്രട്ടറി  ഫാ. ഡോ. നൈനാൻ വി. ജോർജ്ജ്
• നോർത്ത് ഈസ്റ്റ് അമേരിക്കൻ ഭദ്രാസന  സൺ‌ഡേ സ്കൂൾ ഡയറക്ടർ  ഫാ. ഡോ. തിമോത്തി (ടെന്നി) തോമസ്
• സൗത്ത് വെസ്റ്റ് അമേരിക്കൻ ഭദ്രാസന യൂത്ത് മിനിസ്റ്റർ  ഫാ. ജോൺ (ജോഷ്വ) വർഗീസ്
• തൽമീഡോ മിനിസ്ട്രി  ഡയറക്ടർ ഡീക്കൻ  അന്തോണിയോസ് (റോബി) ആന്റണി
കൂടുതൽ വിവരങ്ങൾക്ക്, ദയവായി ബന്ധപ്പെടുക:
• ഫാ. അബു വർഗീസ് പീറ്റർ, കോൺഫറൻസ് കോർഡിനേറ്റർ: (914) 806-4595
• ജെയ്‌സൺ തോമസ്, കോൺഫറൻസ് സെക്രട്ടറി: (917) 612-8832
• ജോൺ താമരവേലിൽ, കോൺഫറൻസ് ട്രഷറർ (917) 533-3566

HG Zachariah Mar Nicholovos-Diocesan Metropolitan 

Rev. Fr. Dr. Ninan V George, Keynote Speaker

Rev Fr Dr Tenny Thomas, Keynote Speaker

Rev Fr Joshua Varghese, Keynote Speaker

Rev Dn. Anthonios (Robby) Antony, Keynote Speaker