സാൻ ഹൊസെ , കാലിഫോർണിയ : അമേരിക്കയിലെ കാലിഫോർണിയ സംസ്ഥാനത്തുള്ള സാൻ ഹൊസെയിലെ  സെന്‍റ്‌  മേരീസ് ക്നാനായ കത്തോലിക്ക പള്ളിയിലേക്ക് ഫൊറോന ഫെസ്റ്റ് വരവായി . ഈ വരുന്ന ശനിയാഴ്ച ഒക്ടോബര്‍ 19 ന്  ആണ്  ഈ മഹോത്സവം നടപ്പെടുന്നത് .

സെന്‍റ്‌  മേരീസ് ക്നാനായ ഫൊറോന ചർച്ച് , സാൻ ഹൊസെ , സെന്‍റ്‌  പോപ്പ്‌ പയസ് X  ക്നാനായ കാത്തലിക്  ചർച്ച് , ലോസ് ഏയ്ഞ്ചൽസ്, സെന്‍റ്‌  ജോൺ പോൾ 11 ക്നാനായ കാത്തലിക്  മിഷൻ , സാക്രമെന്‍റോ , സെന്‍റ്‌  സ്റ്റീഫൻസ് ക്നാനായ കാത്തലിക്  മിഷൻ , ലാസ്‌ വേഗാസ്  എന്നീ  ഇടവകകൾ  ആണ് ഈ ഫൊറോന ഫെസ്റ്റിന്‍റെ ഭഗവത്താകുന്നത് . ഒക്ടോബര്‍ 19 ശനിയാഴ്ച കാലത്തു 9 മണിക്ക് തുടങ്ങി വൈകിട്ട് 5 വരെ നീളുന്നതാണ് പലതരം മത്സരങ്ങൾ ഉള്ള ഈ കലോത്സവം . 9 മണിക്ക് വിശുദ്ധ കുർബാനയോടുകൂടി തുടങ്ങുകയും ശേഷം സാൻ ഹൊസെ, ലോസ് ഏയ്ഞ്ചൽസ്, സാക്രമെന്‍റോ എന്നീ ഇടവകാംഗങ്കൾ നയിക്കുന്ന ഫ്‌ളാഷ്‌ മോബോട് കൂടി ആണ് ഈ ഫെസ്റ്റിന് തുടക്കം കുറിക്കുന്നത്.

പാട്ട് , പ്രസംഗം , ചിത്രരചന , പ്രച്ഛന്ന വേഷം , ബൈബിൾ ക്വിസ് , മാർഗംകളി , പുരാതന പാട്ട് , ബൈബിൾ നാടകം  എന്നീ ഇനങ്ങളിലാണ് മത്സരം നടക്കുന്നത് . വ്യക്തിഗതവും , ഗ്രൂപ്പുമായും മത്സരങ്ങൾ ഉണ്ട് .
കിൻഡർ ഗാർഡൻ കുട്ടികൾക്കായി ചിത്രരചനയും , പിന്നെ ഫാൻസി ഡ്രസ്സ് മത്സരങ്ങളും ആണ് നടത്തപ്പെടുന്നത് . ഒന്നാം ക്ലാസ് മുതൽ 12 ആം ക്ലാസ് വരെ ഉള്ള കുട്ടികൾക്കും , 19 വയസ്സ്  മുതൽ മുകളിലേക്കുള്ളവർക്കായി പാട്ട് , പ്രസംഗം എന്നീ വ്യക്തിഗത മത്സരങ്ങളും , ഗ്രൂപ്പ് ഡാൻസും ആണ് മത്സര ഇനങ്ങൾ . 36 വയസ് മുതൽ മുകളിൽ ഉള്ളവർക്കായി ഗ്രൂപ്പ് ഐറ്റം ആയ ബൈബിൾ ക്വിസ് നടത്തപ്പെടുന്നു.
മറ്റു  ഗ്രൂപ്പ് ഐറ്റം മത്സരങ്ങളായ  പുരാതന പാട്ടു മത്സരം ,മാർഗംകളി , ബൈബിൾ സ്‌കിറ്റ്‌ എന്നിവയ്ക്കു പ്രായ പരിധി ഇല്ല . 

വികാരി അച്ചൻമാരായ ഫാ. ജെമി പുതുശ്ശേരിൽ , സാൻ ഹൊസെ , ഫാ. ബിനോയ്  നാരാമംഗലത്ത് , ലോസ് ഏയ്ഞ്ചൽസ് , ഫാ.  റെജിമോൻ തണ്ടാശ്ശേരി , സാക്രമെന്‍റോ എന്നിവരാണ് ഈ ഫൊറോന ഫെസ്റ്റിന് നേതൃത്വം നൽകുന്നത് . ഈ  മഹോത്സവത്തിന്‍റെ ജനറൽ കൺവീനർ അയി സാൻ  ഹൊസെയിലെ സെന്‍റ്‌ മേരീസ് ഫൊറോന ചർച്  ട്രസ്റ്റി ആയ ശ്രീ ജോസ് മാമ്പിള്ളിയെ തിരഞ്ഞെടുത്തു . അമേരിക്കയിലെ ക്നാനായ റീജിയൺ വികാർ ജനറൽ ആയ ഫാ. : തോമസ് മുളവനാൽ ആണ് ഈ ഫെസ്റ്റിന്‍റെ മുഖ്യ അതിഥി .