റോക്ക്ലാൻഡ് ക്നാനായ കമ്മ്യൂണിറ്റി സെന്ററിന്റെ സിൽവർ ജൂബിലി ആഘോഷം ഈ വരുന്ന ഒക്ടോബർ 17, ശനിയാഴ്ച, IKCCയുടെ നേതൃത്വത്തിൽ അണിയിച്ചൊരുക്കുകയാണ്.

2026 IKCCയെ സംബന്ധിച്ചിടത്തോളം ഏറെ പ്രത്യേകതകൾ നിറഞ്ഞ ഒരു ജൂബിലി വർഷമാണ്. നോർത്ത് അമേരിക്കയിലെ ആദ്യത്തെ ക്നാനായ അസോസിയേഷനായ IKCC, 1976-ൽ ആരംഭിച്ച സംഘടനയാണ്. ഈ വർഷം ഏപ്രിൽ 18-ന് IKCCയുടെ 50-ാം വാർഷികമായ ഗോൾഡൻ ജൂബിലി വളരെ മനോഹരമായി ആഘോഷിക്കുവാൻ നമുക്ക് കഴിഞ്ഞു.

ഇപ്പോഴിതാ, 2001-ൽ സ്വന്തമാക്കിയ റോക്ക്ലാൻഡ് ക്നാനായ കമ്മ്യൂണിറ്റി സെന്ററിന്റെ 25-ാം വാർഷികവും 2026-ൽ ആഘോഷിക്കുകയാണ്.

നമ്മുടെ ക്നാനായ സമൂഹത്തിന്റെ വളർച്ചയിൽ വളരെ വലിയ സംഭാവനകൾ നൽകിയ ഒരു സ്ഥാപനമാണ് റോക്ക്ലാൻഡ് സെന്റർ. കലാ, സാംസ്കാരിക, സാമൂഹിക, സാമുദായിക മേഖലകളിൽ എണ്ണമറ്റ പ്രവർത്തനങ്ങൾക്കും കൂട്ടായ്മകൾക്കും ഈ സെന്റർ വേദിയായിട്ടുണ്ട്.

ഈ അഭിമാനകരമായ അവസരത്തിൽ, റോക്ക്ലാൻഡ് കമ്മ്യൂണിറ്റി സെന്ററിന്റെ വളർച്ചയ്ക്കും പ്രവർത്തനങ്ങൾക്കും നേതൃത്വം നൽകിയ മുൻകാല ബിൽഡിംഗ് ഭാരവാഹികളെയും, ഈ സെന്റർ സ്വന്തമാക്കുന്നതിനായി സാമ്പത്തികമായും മറ്റ് രീതികളിലും സഹായിച്ച എല്ലാവരെയും, അതിന്റെ പിന്നിൽ പ്രവർത്തിച്ച എല്ലാ വ്യക്തികളെയും നന്ദിയോടെയും കടപ്പാടോടെയും സ്മരിക്കുന്നു.

ഒക്ടോബർ 17-ന് ഉച്ചകഴിഞ്ഞ് 3 മണിയോടെ ആരംഭിക്കുന്ന ഈ പ്രത്യേക ആഘോഷ പരിപാടികളിലേക്ക് എല്ലാ സമുദായ സ്നേഹികളെയും കുടുംബസമേതം സാദരം ക്ഷണിക്കുന്നു.

നമ്മുടെ പ്രിയപ്പെട്ട റോക്ക്ലാൻഡ് ക്നാനായ കമ്മ്യൂണിറ്റി സെന്ററിന്റെ 25 വർഷത്തെ അഭിമാനകരമായ യാത്ര ഒരുമിച്ച് ആഘോഷിക്കാനും, ഈ ആഘോഷം ഒരു വൻവിജയമാക്കാനും എല്ലാവരുടെയും സാന്നിധ്യവും സഹകരണവും പ്രതീക്ഷിക്കുന്നു.

എല്ലാവരെയും ഒക്ടോബർ 17-ന് റോക്ക്ലാൻഡ് സെന്ററിൽ കാണാം

സ്നേഹപൂർവ്വം,
Stephen Kidarathil
President, IKCC New York

  സ്റ്റീഫൻ കിടാരത്തിൽ