ടാമ്പാ: ടാമ്പാ സെന്‍റ് ഗ്രീഗോറിയോസ് ഓര്‍ത്തഡോക്സ് ഇടവകയുടെ ആഭിമുഖ്യത്തില്‍ പരിശുദ്ധ പരുമല തിരുമേനിയുടെ ഓര്‍മ്മപ്പെരുന്നാള്‍ നവം. 2, 3 തീയതികളില്‍ ഭക്തിപുരസ്സരം നടത്തപ്പെടുന്നു.
അഭിവന്ദ്യ ഡോ. ഏബ്രഹാം മാര്‍ സ്റ്റേഫാനോസ് തിരുമേനി (യുകെ, യൂറോപ്പ്, ആഫ്രിക്ക മെത്രാപ്പോലീത്ത) പെരുന്നാള്‍ ശുശ്രൂഷകള്‍ക്ക് മുഖ്യകാര്‍മ്മികത്വം വഹിക്കും.
നവംബര്‍ 2-ന് അഭിവന്ദ്യ തിരുമേനിക്ക് ആചാരപ്രകാരമുള്ള സ്വീകരണം നല്കി ദേവാലയത്തിലേക്ക് ആനയിക്കും. തുടര്‍ന്ന് സന്ധ്യാനമസ്കാരവും തിരുമേനിയുടെ ധ്യാനപ്രഭാഷണവും ഉണ്ടായിരിക്കും.നവംബര്‍ 3-ന് ഞായറാഴ്ച രാവിലെ 8.30-ന് പ്രഭാതനമസ്കാരവും അഭിവന്ദ്യ തിരുമേനിയുടെ പ്രധാന കാര്‍മ്മികത്വത്തില്‍ വിശുദ്ധ കുര്‍ബാനയും തുടര്‍ന്ന് ഭക്തിനിര്‍ഭരമായ പെരുന്നാള്‍ റാസയും ശ്ലൈഹിക വാഴ്വും നടത്തപ്പെടും. 11.30-ന് നടത്തപ്പെടുന്ന നേര്‍ച്ച വിളമ്പോടു കൂടി പെരുന്നാള്‍ പരിപാടികള്‍ സമാപിക്കും.
ഭക്തിനിര്‍ഭരമായ ഈ ചടങ്ങുകളില്‍ പങ്കെടുത്ത് അനുഗ്രഹം പ്രാപിക്കണമെന്ന് വിശ്വാസികളോട് ഇടവക വികാരി വെരി റവ. ജോര്‍ജ് പൗലോസ് കോര്‍ എപ്പിസ്കോപ്പ ആഹ്വാനം ചെയ്തു.
കൂടുതല്‍ വിവരങ്ങള്‍ക്ക്: വെരി റവ. ജോര്‍ജ് പൗലോസ് കോര്‍ എപ്പിസ്കോപ്പ-813 838 1756, ടിറ്റോ ജോണ്‍ (സെക്രട്ടറി) 813 405 3777, മനോജ് മാക്സ് (ട്രഷറര്‍) 813 919 9797.Address:  11407 Jefferson Road,
Thonotosassa, FL 33592.