കാക്കിക്കുള്ളിലെ കലാകാരൻ ബിജു കെ സ്റ്റീഫന് ക്രൈം ബ്രാഞ്ച് എസ് .പിയായി സ്ഥാനക്കയറ്റം.
വെള്ളൂർ ഹോളി ഫാമിലി ക്‌നാനായ പളളി ഇടവകാംഗമായ ബിജു കെ സ്റ്റീഫന് ഇടുക്കി ക്രൈം ബ്രാഞ്ച് SP യായി സ്ഥാനക്കയറ്റം ലഭിച്ചു . കുഴിക്കാട്ടിൽ പരേതനായ സ്റ്റീഫന്റെയും അന്നമ്മയുടെയും മകനായ ഇദ്ദേഹം  26-ാം വയസിൽ എസ്. ഐ ആയാണ് സേവനം ആരംഭിക്കുന്നത്. കടുത്തുരുത്തി വലിയപ്പള്ളി ഇടവകാംഗമായ കളപ്പുരയിൽ ജിനിയാണ് ഭാര്യ. സ്റ്റിവിയ, സ്റ്റിവിൻ എന്നിവർ മക്കളാണ്. ക്നാനായ കത്തോലിക്ക സമുദായത്തിൽ നിന്നും കേരള പോലീസിൽ SP റാങ്കിൽ എത്തുന്ന ആദ്യത്തെയാളാണ്. കുറ്റാന്വേഷണ  മികവിനുള്ള ബാഡ്ജ് ഓഫ് ഓണർ അവാർഡ് 2 തവണ നേടിയിട്ടുള്ള ഇദ്ദേഹം വിശിഷ്ട സേവനത്തിനുള്ള മുഖ്യമന്ത്രിയുടെ പോലീസ് മെഡലിനും അർഹനായിട്ടുണ്ട്. നിരവധി ക്രിസ്തീയ ആൽബങ്ങൾക്ക്  ഗാനങ്ങൾ  രചിച്ചിട്ടുള്ള ബിജു കെ സ്റ്റീഫൻ  എഴുത്തിന്റെ വഴികളിലും  ഇതിനോടകം വ്യക്തിമുദ്ര പതിപ്പിച്ചു  കഴിഞ്ഞു .