ഇന്ത്യന്‍ ഓവര്‍സീസ് കോണ്‍ഗ്രസ് രാഹുല്‍ ഗാന്ധിയെ അമേരിക്കയിലേക്ക് സ്വാഗതം ചെയ്യുന്നു. ഡാളസ്സിലും വാഷിങ്ടണ്‍ ഡിസിയിലും വിവിധ പരിപാടികളില്‍ പങ്കെടുത്ത് സംസാരിക്കുന്നതാണ്. കോണ്‍ഗ്രസ് പാര്‍ട്ടിയുടെ കരുത്തനായ നേതാവ് എന്നതിലുപരി ഇപ്പോള്‍ അദ്ദേഹം ലോക്സഭയിലെ പ്രതിപക്ഷനേതാവ് കൂടിയാണ്.
ചിക്കാഗോ: ഇന്ത്യന്‍ ഓവര്‍സീസ് കോണ്‍ഗ്രസ് രാഹുല്‍ ഗാന്ധിയെ അമേരിക്കയിലേക്ക് സ്വാഗതം ചെയ്യുന്നു. ഡാളസ്സിലും വാഷിങ്ടണ്‍ ഡിസിയിലും വിവിധ പരിപാടികളില്‍ പങ്കെടുത്ത് സംസാരിക്കുന്നതാണ്. കോണ്‍ഗ്രസ് പാര്‍ട്ടിയുടെ കരുത്തനായ നേതാവ് എന്നതിലുപരി ഇപ്പോള്‍ അദ്ദേഹം ലോക്സഭയിലെ പ്രതിപക്ഷനേതാവ് കൂടിയാണ്.
അദ്ദേഹത്തെ സ്വീകരിക്കുവാനായി വിവിധ കമ്മിറ്റികള്‍ പ്രവര്‍ത്തിച്ചുവരുന്നതായി കേരളാ ചാപ്റ്റര്‍ പ്രസിഡണ്ട് സതീശന്‍ നായര്‍ അറിയിച്ചു. ഐഒസിയുടെ ദേശീയ നേതൃത്വവും മറ്റു വിവിധ ചാപ്റ്ററുകളും ഒരുമിച്ച് അദ്ദേഹത്തെ സ്വീകരിക്കുവാനായി പ്രവര്‍ത്തിക്കുന്നു. ഐ.ഒ.സി ചെയര്‍മാന്‍ സാം പിട്രോഡയുടെ നേതൃത്വത്തില്‍ വൈസ് ചെയര്‍മാന്‍ ജോര്‍ജ് ഏബ്രഹാം, പ്രസിഡണ്ട് മൊഹിന്ദര്‍ സിംഗ്, കേരളാ ചാപ്റ്റര്‍ ചെയര്‍മാന്‍ തോമസ് മാത്യു, പ്രസിഡണ്ട് സതീശന്‍ നായര്‍, സെക്രട്ടറി സജി കരിമ്പന്നൂര്‍, ഐ.ഒ.സിയുടെ സ്ഥാപക നേതാവായ സാക് തോമസ്, സന്തോഷ് കാപ്പില്‍, തോമസ് ഓലിയാംകുന്നേല്‍ തുടങ്ങിയവരും വിവിധ ചാപ്റ്റര്‍ നേതാക്കന്മാരും അടങ്ങിയ വിപുലമായ കമ്മിറ്റികള്‍ അദ്ദേഹത്തെ സ്വീകരിക്കുവാനായി പ്രവര്‍ത്തിച്ചുവരുന്നു.
ഇര്‍വിംഗ് ടയോട്ട മ്യൂസിക് ഫാക്ടറിയില്‍ സെപ്റ്റംബര്‍ എട്ടിനു നടക്കുന്ന പൊതുപരിപാടിയില്‍ പങ്കെടുക്കുവാന്‍ മുന്‍കൂട്ടി രജിസ്റ്റര്‍ ചെയ്യേണ്ടതാണ്. ഇതോടൊപ്പം കൊടുത്തിരിക്കുന്ന ക്യു.ആര്‍ കോഡ് ഉപയോഗിച്ച് രജിസ്റ്റര്‍ ചെയ്യാവുന്നതാണ്.
