PRAVASI

കലാമണ്ഡലം ശിവദാസനെ ഓംകാരം ചിക്കാഗോ അഭിനന്ദിച്ചു

Blog Image
വാദ്യ കുലപതി സര്‍വശ്രീ കലാമണ്ഡലം ശിവദാസനെ ഓംകാരം ചിക്കാഗോയുടെ ആഭിമുഖ്യത്തില്‍ ആദരിച്ചു. അമേരിക്കയിലുടനീളം ശിഷ്യഗണങ്ങളുള്ള ആശാന്‍ വിവിധ നഗരങ്ങള്‍ സന്ദര്‍ശിക്കുന്നതാണ്. ചെണ്ടമേളം, തായമ്പക, കഥകളി ചെണ്ട എന്നീ രംഗങ്ങളില്‍ കഴിവ് തെളിയിച്ച അനുഗൃഹീത കലാകാരനാണ് ശിവദാസന്‍ ആശാന്‍. ഇന്ത്യന്‍ മിനിസ്റ്ററി ഓഫ് ഹ്യൂമന്‍ റിസോഴ്സിന്‍റെ സീനിയര്‍ ഫെലോഷിപ് അടക്കം നിരവധി അവാര്‍ഡുകളും അദ്ദേഹത്തിന് ലഭിച്ചിട്ടുണ്ട്.

ചിക്കാഗോ: വാദ്യ കുലപതി സര്‍വശ്രീ കലാമണ്ഡലം ശിവദാസനെ ഓംകാരം ചിക്കാഗോയുടെ ആഭിമുഖ്യത്തില്‍ ആദരിച്ചു. അമേരിക്കയിലുടനീളം ശിഷ്യഗണങ്ങളുള്ള ആശാന്‍ വിവിധ നഗരങ്ങള്‍ സന്ദര്‍ശിക്കുന്നതാണ്. ചെണ്ടമേളം, തായമ്പക, കഥകളി ചെണ്ട എന്നീ രംഗങ്ങളില്‍ കഴിവ് തെളിയിച്ച അനുഗൃഹീത കലാകാരനാണ് ശിവദാസന്‍ ആശാന്‍. ഇന്ത്യന്‍ മിനിസ്റ്ററി ഓഫ് ഹ്യൂമന്‍ റിസോഴ്സിന്‍റെ സീനിയര്‍ ഫെലോഷിപ് അടക്കം നിരവധി അവാര്‍ഡുകളും അദ്ദേഹത്തിന് ലഭിച്ചിട്ടുണ്ട്.
ഓംകാരത്തിന്‍റെ ആഭിമുഖ്യത്തില്‍ സംഘടിപ്പിച്ച ചെണ്ട കളരിയില്‍ പഞ്ചാരിമേളത്തിന്‍റെ കാലപ്രമാണങ്ങളിലൂടെയുള്ള ആശാന്‍റെ അനായാസമായ കൊട്ടിക്കയറ്റങ്ങള്‍ ശിഷ്യര്‍ക്ക് നവ്യമായ പാഠ്യ അനുഭവം പകര്‍ന്നു നല്കി. കൂടാതെ ശിഷ്യഗണങ്ങള്‍ക്ക് ആത്മവിശ്വാസം വളര്‍ത്തുന്നതിനുതകുന്ന അനുഭവസമ്പത്തും ആശാന്‍ പങ്കുവെക്കുകയുണ്ടായി.
ചടങ്ങില്‍ അരവിന്ദ് പിള്ള ആശാനെ പൊന്നാട അണിയിച്ച് സ്വീകരിച്ചു. ചിക്കാഗോയില്‍ നിന്നും മിനിസോട്ടയില്‍ നിന്നുമുള്ളവര്‍ പങ്കെടുത്തു. ശിവദാസന്‍ ആശാനെ പരിചയപ്പെടുവാനും ചെണ്ടകളരിയെക്കുറിച്ച് കൂടുതല്‍ വിവരങ്ങള്‍ അറിയുവാനും ദീപക് നായര്‍ 847 361 4149, മഹേഷ് കൃഷ്ണന്‍ 630 664 7431 എന്നിവരുമായി ബന്ധപ്പെടുക.


Related Posts

Disclaimer

The advertisements and articles published in Kerala Express denote the views and ideas expressed by the concerned authors or advertisers. Kerala Express is not responsible for the authenticity of articles or advertisements and readers are requested to verify any offers etc. directly with advertiser or author.