മലയാളി ആസോസിയേഷൻ ഓഫ് നോർത്തേൺ കാലിഫോർണിയ (മങ്ക ) യുടെ ചരിത്രത്തിൽ ആദ്യമായി റമ്മി ടൂർണ്ണമെന്റ് സംഘടിപ്പിക്കുന്നു.  മങ്കയുടെ  നാല്പതാം വാർഷികാഘോഷ പരിപാടികളുടെ ഭാഗമായാണ് ഈ ടൂർണ്ണമെന്റ് സംഘടിപ്പിക്കുന്നത്.  ജൂലൈ പതിമൂന്നാം തിയ്യതി,ശനിയാഴ്ച  സാൻ ഹോസെ ക്‌നാനായ സെന്റ് മേരിസ് പള്ളി പാരിഷ് ഹാളിൽ വെച്ച് രാവിലെ പത്ത് മണിയ്ക്കാണ് ഏവരും കാത്തിരിക്കുന്ന റമ്മി ടൂർണ്ണമെന്റ്  നടക്കുക .

ആകർഷകമായ ക്യാഷ് പ്രൈസുകളാണ് വിജയിക ളെ കാത്തിരിക്കുന്നത് . ബേബി മണക്കുന്നേൽ നയിക്കുന്ന ഫോമാ ടീം യുണൈറ്റഡ്  ആണ് ഒന്നാം സമ്മാനമായ ആയിരത്തി അഞ്ഞൂറ്റി ഒന്ന് ഡോളർ ($1,501)   സ്പോൺസർ ചെയ്തിരിക്കുന്നത് . രണ്ടാം സമ്മാനമായ അഞ്ഞൂറ്റി ഒന്ന് ഡോളർ ($501) സ്പോൺസർ ചെയ്തിരിക്കുന്നത് ചോയ്‌സ് ഓട്ടോ സണ്ണിവെയിൽ ആണ് . പങ്കെടുക്കുന്നവർക്കും റമ്മി തല്പരർക്കും  മങ്കയുടെ വകയായി സൗജന്യ ഭക്ഷണ- പാനീയങ്ങൾ ഉണ്ടായിരിക്കും.

മങ്ക പ്രസിഡണ്ട് സുനിൽ വർഗ്ഗീസിനൊപ്പം ടൂർണ്ണമെന്റ് കോർഡിനേറ്റർ മാരായ മങ്ക ട്രഷറർ മേരി ദാസൻ ജോസഫ് , ബോർഡ് ഓഫ് ഡയറക്ടർസ്  സിജോ പാറപ്പള്ളി,  ജോൺ പോൾ വർക്കി  എന്നിവരും ചേർന്നാണ് പരിപാടികൾ ആസൂത്രണം ചെയ്യുന്നത്. ബേ ഏരിയയിൽ മങ്ക സംഘടിപ്പിക്കുന്ന  ആദ്യത്തെ റമ്മി ടൂർണ്ണമെന്റ്  അത്യാ ഹ്‌ളാദ കരവും വിജയകരവും ആക്കിത്തീർക്കാനുള്ള   കഠിന ശ്രമത്തിലാണ് . കോഡിനേറ്റേഴ്‌സ് . മങ്കയുടെ ഈ സംരംഭത്തിന് ഏവരുടെയും സഹായ സഹകരണങ്ങൾ സ്നേഹപൂർവ്വം അഭ്യർത്ഥിക്കുന്നു