ചിക്കാഗോ : ചിക്കാഗോ മലയാളി അസോസിയേഷന്റെ ആഭിമുഖ്യത്തിൽ നടത്തപ്പെടുന്ന ഈ വർഷത്തെ ഓണാഘോഷം ഈ വരുന്ന സെപ്റ്റംബർ 7 ന് 4 മണിക്ക് ബെൽവുഡിൽ ഉള്ള സിറോ മലബാർ കത്തീഡ്രൽ ഹാളിൽ വെച്ച് നടത്തപ്പെടുന്നതാണ് . 
പ്രശസ്ത സിനിമ താരം ശ്രീമതി ലെന മുഖ്യാതിഥി ആയിരിക്കും . വൈകിട്ട് 4 ന് വാദ്യ മേളം , താലപ്പൊലി എന്നിവയോടെ ആരംഭിക്കുന്ന പരിപാടികളെത്തുടർന്ന് .വിഭവസമൃദ്ധമായ ഓണസദ്യയും തുടർന്ന് നാടൻ വിഭവങ്ങളുടെ ലേലവും നടക്കും .തുടർന്ന് കത്തീഡ്രൽ ഹാളിൽ കലാവിരുന്നും അരങ്ങേറും.
ഈ ഓണാഘോഷത്തിലേക്ക് എല്ലാ മലയാളി സുഹൃത്തുക്കളെയും സ്വാഗതം ചെയ്യുന്നതായി ചിക്കാഗോ മലയാളി അസോസിയേഷൻ പ്രസിഡന്റ് ജെസ്സി റിൻസി, സെക്രട്ടറി ആൽവിൻ ഷിക്കോർ , ട്രെഷറർ മനോജ് അച്ചേട്ട് ഓണാഘോഷ പരിപാടികൾക്ക് നേതൃത്വം നൽകുന്ന തോമസ് വിൻസെന്റ് ,ജോഷി പൂവത്തുങ്കൽ ,സിബിൽ ഫിലിപ്പ് ,കിഷോർ കണ്ണാല എന്നിവർ അറിയിച്ചു .
പ്രസ്തുത വേദിയിൽ വെച്ച് ,2024 ൽ ഉന്നത വിജയം കരസ്ഥമാക്കിയ ഹൈസ്കൂൾ വിദ്യാർത്ഥികളെ ആദരിക്കുകയും അവർക്കു വിദ്യാഭ്യാസ അവാർഡുകൾ സമ്മാനിക്കുകയും ചെയ്യും .നേരത്തെ നടന്ന ബാസ്കറ്റ് ബോൾ മത്സര വിജയികൾക്കുള്ള ട്രോഫികളും ഓണാഘോഷ വേദിയിൽ വെച്ച് നൽകുന്നതാണ്.

വാർത്ത അയച്ചത് : ബിജു മുണ്ടയ്ക്കൽ ,പി ആർ ഓ ചിക്കാഗോ മലയാളി അസോസിയേഷൻ 

JESSY RINCY -PRESIDENT 

ALWIN SHIKKORE-SECRETARY

MANOJ ACHETTU -Treasurer

THOMAS VINCENT

KISHORE KANNALA

JOSHY POOVATHUMKAL

Dr.SYBIL PHILIP