ഹ്യൂസ്റ്റൺ: ഹ്യൂസ്റ്റൺ കെസിഎസിൻ്റെ ആഭിമുഖ്യത്തിൽ ഓഗസ്റ്റ് 22 ശനിയാഴ്ച മെൻസ് നൈറ്റ് സംഘടിപ്പിച്ചു. ആദ്യമായാണ് ഇത്തരത്തിൽ ഒരു പരിപാടി സംഘടിപ്പിച്ചത്.വിനോദത്തിന്റെയുംസൗഹൃദത്തിന്റെയും എൻ്റർടെയ്ൻമെൻ്റിൻ്റേയും സന്തോഷത്തിൻ്റേയും സംഗമമായിരുന്ന വേദിയിൽ 200ൽ ഏറെ പുരുഷന്മാർ പങ്കെടുത്തു.

ഗാനമേള, നൃത്തങ്ങൾ, സ്കിറ്റുകൾ, കാർഡ് ഗെയിമുകൾ, മറ്റ് രസകരമായ ഗെയിമുകൾ, ശക്തമായ പഞ്ചഗുസ്തി മത്സരം, സുന്ദരിക്കൊരു പൊട്ടുകുത്തൽ എന്നിവ ഉണ്ടായിരുന്നു. ഉജ്ജ്വലമായ ഡിജെ സെഷൻ എന്നിവയുൾപ്പെടെ വിവിധ പരിപാടികൾ മെൻസ് നൈറ്റിനെ ഗംഭീരമാക്കി.

വൈകുന്നേരം മുഴുവൻ രുചികരമായ ഭക്ഷണപാനീയങ്ങൾ രസമുകുളങ്ങളെ ത്രസിപ്പിച്ചു., പങ്കെടുത്ത എല്ലാവരും പരിപാടി നന്നായി ആസ്വദിച്ചു. അതിശയകരമായ പങ്കാളിത്തവും പോസിറ്റീവ് പ്രതികരണവും പരിപാടി ഒരു വലിയ വിജയമാക്കി.

ധാരാളം ചിരി, സൗഹൃദം, അത്ഭുതകരമായ ഓർമ്മകൾ എന്നിവ സൃഷ്ടിച്ച ഒരു അവിസ്മരണീയ സായാഹ്നമായിരുന്നു അത്.

തങ്ങളുടെ കമ്മ്യൂണിറ്റിയും അതിലെ അംഗങ്ങളും തങ്ങളുടെ ഏറ്റവും മുൻഗണനകളാണ് പ്രസിഡന്റ് സാബു മുളയാനിക്കുന്നേൽ പറഞ്ഞു.