സൗത്ത് ഫ്ളോറിഡ: സൗത്ത് ഫ്ളോറിഡയിലെ സെ. മേരീസ് യാക്കോബായ ദേവാലയത്തില്‍ എട്ടുനോമ്പ് ഈ വര്‍ഷം ഓഗസ്റ്റ് 31 മുതല്‍ സെപ്റ്റംബര്‍ 7 വരെ വളരെ ഭക്തിയോടും പ്രാര്‍ത്ഥനയോടും കൂടി ആചരിക്കുകയാണ്. എല്ലാദിവസവും വൈകിട്ട് 6 മണിക്ക് സന്ധ്യാപ്രാര്‍ത്ഥനയും തുടര്‍ന്ന് മദ്ധ്യസ്ഥ പ്രാര്‍ത്ഥനയും കണ്‍വന്‍ഷന്‍ പ്രസംഗവും  ഉണ്ടായിരിക്കും.
അവസാന പെരുന്നാള്‍ ദിവസം സെപ്റ്റംബര്‍ 7-ന് ഞായറാഴ്ച വൈകിട്ട് 5.30-ന് വിശുദ്ധ മൂന്നിന്മേല്‍ കുര്‍ബാനയും റാസയും നേര്‍ച്ച വിളമ്പോടു കൂടി സമാപിക്കും. ഈ വര്‍ഷത്തെ എട്ടുനോമ്പില്‍ സമീപ ഇടവകകളായ സെന്‍റ് മേരീസ് ക്നാനായ ഇടവകയും സെ. മേരീസ് മലങ്കര കത്തോലിക്കാ ഇടവകയുടെയും സഹകരണത്തോടെയാണ് നടത്തപ്പെടുന്നത്. പരിശുദ്ധ മാതാവിന്‍റെ മദ്ധ്യസ്ഥതയില്‍ അഭയപ്പെടുവാന്‍ എല്ലാവരെയും സ്വാഗതം ചെയ്യുന്നു.
റവ.ഫാ. ഡോ. ജോസഫ് വര്‍ഗീസ്, വികാരി