ടോക്യോ: ലോകമെമ്പാടുമുള്ള ഗെയിം പ്രേമികളുടെ പ്രിയ നായകനായ സൂപ്പർ മാരിയോ ഇന്ന് നാല്പതു വയസ്സിൽ. നിന്റെൻഡോ കമ്പനി പുറത്തിറക്കിയ Super Mario Bros. 1985 സെപ്റ്റംബർ 13ന് ജപ്പാനിൽ ആദ്യം പുറത്തിറങ്ങി. തുടർന്ന് ലോകമെമ്പാടും എത്തിയപ്പോൾ, വീഡിയോ ഗെയിംകളുടെ ചരിത്രത്തിൽ ഒരിക്കലും മറക്കാനാകാത്ത വിപ്ലവം സൃഷ്ടിച്ചു.
1980-കളിൽ “ഡോങ്കി കോൺഗ്” ഗെയിമിൽ “ജംപ്‌മാൻ” ആയി തുടക്കം കുറിച്ച മാരിയോ, പിന്നീട് സ്വന്തം പേര് നേടി. 1983-ൽ പുറത്തിറങ്ങിയ “മാരിയോ ബ്രദേഴ്സ്” വഴിയാണ് സഹോദരൻ ലൂയിജിയെ ലോകം ആദ്യം കണ്ടത്. 1985ലെ Super Mario Bros. വലിയ വിജയം നേടിയപ്പോൾ, മാരിയോ ഗെയിമിംഗ് ലോകത്തിന്റെ സൂപ്പർതാരമായി.
തുടർന്ന് സൂപ്പർ മാരിയോ 64 (1996), സൂപ്പർ മാരിയോ 2007), സൂപ്പർ മാരിയോ (2017) പോലുള്ള ഗെയിമുകൾ പുറത്തിറങ്ങി, ഓരോ തലമുറയെയും ആകർഷിച്ചു. രണ്ട് തലമുറകളെ ബന്ധിപ്പിക്കുന്ന ഗെയിമിംഗ് പാലമായി മാരിയോ മാറി.
ചുവന്ന ടോപ്പിയും നീല ഷർട്ടും ധരിച്ച്, പൈപ്പുകളിലൂടെ സഞ്ചരിച്ചു പ്രിൻസസ് പീച്ചിനെ രക്ഷിക്കുന്ന സാഹസിക യാത്രയാണ് ഗെയിം ചരിത്രത്തിലെ ഏറ്റവും പ്രശസ്തമായ കഥ. ഇന്നും പുതിയ ഗെയിമുകൾ, സിനിമകൾ, മെർച്ചൻഡൈസ് തുടങ്ങി നിരവധി വഴികളിലൂടെ മാരിയോ ലോകത്തെ വിസ്മയിപ്പിച്ചുകൊണ്ടിരിക്കുന്നു.
ഗെയിമിംഗ് ലോകത്തെ ഏറ്റവും വലിയ ബ്രാൻഡുകളിലൊന്നായി മാറിയ സൂപ്പർ മാരിയോ, നാല്പത് വർഷം പിന്നിട്ടിട്ടും തന്റെ ‘ലെവൽ-അപ്പ്’ മാജിക് കൊണ്ട് ലോകത്തെ ആവേശഭരിതമാക്കുന്നു. 
1985ൽ പുറത്തിറങ്ങിയ വീഡിയോ ഗെയിം ലോകത്തെ മാറ്റിമറിച്ചു. ഹാപ്പി ബർത്ത്‌ഡേ, മാരിയോ!