ചങ്ങനാശേരി -കുട്ടനാട് അസോസിയേഷന്റെ നേതൃത്തിൽ ചിക്കാഗോയിലും സമീപപ്രദേശങ്ങളിലും അധിവസിക്കുന്ന ചങ്ങനാശേരി -കുട്ടനാട് പ്രദേശങ്ങളിലെ കുടുംബങ്ങൾക്കും സുഹൃത്തുക്കൾക്കുമായി സംഘടിപ്പിക്കുന്ന ഈ വർഷത്തെ സമ്മർ പിക്നിക് 2024 ആഗസ്റ്റ് 17 ആം തീയതി ശനിയാഴ്ച മോർട്ടൻഗ്രോവ് ലിൻവുഡ് പാർക്കിൽ വച്ചു (6308 W Dempster St, Morton Grove IL 60053) നടക്കും. ശനിയാഴ്ച രാവിലെ പത്തുമണിക്ക് സ്വാദിഷ്ടമായ കൈരളീയ പ്രഭാതഭക്ഷണത്തോടുകൂടി പരിപാടികൾ ആരംഭിക്കും. തുടർന്ന് കുട്ടികൾക്കും മുതിർന്നവർക്കുമായി വിവിധ സ്‌പോർട്സ്/ഗെയിംസ്, കേരളത്തനിമയോടെ സ്നേഹവിരുന്ന്, വിനോദകരമായ മറ്റു കായീകമത്സരങ്ങൾ എന്നിവയും സംഘടിപ്പിക്കും.
ചങ്ങനാശേരി -കൂട്ടനാട്  നിവാസികളുടെയും സുഹൃത്തുക്കളുടെയും ഈ പ്രദേശങ്ങളിലുള്ള  കലാലയപൂർവ്വവിദ്യാർഥികളുടെയും
ഐക്യവും കൂട്ടായ്മയും വിളിച്ചോതുന്ന
ഈ സൗഹൃദവേദിയിൽ എല്ലാ കുട്ടനാട് - ചങ്ങനാശേരി നിവാസികളെയും ചിക്കാഗോയിലെ എല്ലാ അഭ്യുദയാകാംക്ഷികളെയും സ്നേഹപൂർവ്വം ക്ഷണിക്കുന്നതായി ചങ്ങനാശേരി- കുട്ടനാട് അസോസിയേഷൻ ഭാരവാഹികൾ അറിയിച്ചു.  കൂടുതൽ വിവരങ്ങൾക്ക്: ബിജി കൊല്ലാപുരം(847 691 2560), ബോബൻ കളത്തിൽ(847 345 0280), സണ്ണി വള്ളിക്കളം (847 722 7598)