ചടയമംഗലത്ത് ശബരിമല തീര്‍ത്ഥാടകര്‍ സഞ്ചരിച്ച കാറും ടൂറിസ്റ്റ് ബസും കൂട്ടിയിടിച്ച് രണ്ട് തീര്‍ത്ഥാടകര്‍ മരിച്ചു. ചടയമംഗലം നെട്ടേത്തറയിൽ വെച്ചാണ് അപകടമുണ്ടായത്.മഹാരാഷ്ട്ര രജിസ്ട്രേഷനിലുള്ള കാറാണ് അപകടത്തിൽപെട്ടത്.അപകട സ്ഥലത്ത് ഒരാളും ആശുപത്രിയില്‍ എത്തിച്ച ശേഷം മറ്റൊരാളും മരിച്ചു.കാറിലുണ്ടായിരുന്ന മറ്റ് മൂന്നു പേര്‍ ഗുരുതര പരുക്കോടെ തിരുവനന്തപുരം മെഡിക്കൽ കോളേജ് ആശുപത്രിയിൽ ചികിത്സയിലാണ്.
