“എനിക്ക് യുദ്ധം അവസാനിപ്പിക്കണം. ഞാൻ അവസാനിപ്പിച്ച മറ്റ് അഞ്ച് യുദ്ധങ്ങൾക്കൊപ്പം ഈ യുദ്ധവും അവസാനിപ്പിക്കാൻ കഴിഞ്ഞതിൽ എനിക്ക് വളരെ അഭിമാനമുണ്ട്."
ആര് ആരോട്‌ പറഞ്ഞതെന്ന്‌ എന്നോട് ചോദിക്കരുതേ!

ഓഗസ്റ്റ് 15 ന് യു.എസ്.- റഷ്യൻ പ്രസിഡന്റുമാർ ഉക്രെയ്നിലെ യുദ്ധം അവസാനിപ്പിക്കുന്നതിനെക്കുറിച്ച് ചർച്ച ചെയ്യും. ട്രംപ് വൈറ്റ് ഹൗസിൽ തിരിച്ചെത്തിയതിനുശേഷം നേതാക്കൾ തമ്മിലുള്ള ആദ്യ കൂടിക്കാഴ്ചയാണിത്.
ട്രംപ് 1.0 കാലത്ത് ട്രംപും പുടിനും നിരവധി കൂടിക്കാഴ്ചകൾ നടത്തിയിരുന്നു, എന്നാൽ ട്രംപ് വീണ്ടും വൈറ്റ് ഹൗസിൽ തിരിച്ചെത്തിയതിനുശേഷം ഫോണിലൂടെ മാത്രമേ സംസാരിച്ചിട്ടുള്ളൂ.

2019 ൽ ജപ്പാനിലെ ഒസാക്കയിൽ നടന്ന ജി-20 ഉച്ചകോടിയിലാണ് അവർ അവസാനമായി കണ്ടുമുട്ടിയത്, 2020 ലെ പ്രസിഡന്റ് തിരഞ്ഞെടുപ്പിൽ ഇടപെടരുതെന്ന് ട്രംപ് പുടിനോട് കളിയാക്കി പറഞ്ഞതായി സൂചനയുണ്ടായിരുന്നു .

അതിനുമുമ്പ്, 2018 ൽ ഹെൽസിങ്കിയിൽ രണ്ട് മണിക്കൂറിലധികം നീണ്ടുനിന്ന ഒരു ഉഭയകക്ഷി ഉച്ചകോടിയിൽ അവർ കണ്ടുമുട്ടിയിരുന്നു.
ആഗസ്റ്റ് 13 ന് രാവിലെ, വരാനിരിക്കുന്ന അലാസ്ക ഉച്ചകോടിയെക്കുറിച്ച് ചർച്ച ചെയ്യാൻ സെലെൻസ്‌കിയുമായി ഒരു വെർച്വൽ കോളിൽ പങ്കെടുത്തതിന് ശേഷമാണ് ട്രംപിന്റെ അഭിപ്രായങ്ങൾ വന്നത്.

ജർമ്മൻ ചാൻസലർ ഫ്രെഡറിക് മെർസ് ആതിഥേയത്വം വഹിച്ച യോഗത്തിൽ മറ്റ് നിരവധി യൂറോപ്യൻ യൂണിയൻ, നാറ്റോ രാജ്യങ്ങളിൽ നിന്നുള്ള നേതാക്കളും പങ്കെടുത്തിരുന്നു.ട്രംപ് വെർച്വൽ കോളിനെ പോസിറ്റീവായി വിവരിച്ചു.

അലാസ്ക ഉച്ചകോടിക്ക് തൊട്ടുപിന്നാലെ പുടിനും ഉക്രേനിയൻ പ്രസിഡന്റ് വോളോഡിമർ സെലെൻസ്‌കിയുമായും രണ്ടാമതൊരു കൂടിക്കാഴ്ച നടത്താൻ ആഗ്രഹിക്കുന്നുവെന്ന് ട്രംപ് പറഞ്ഞു.

പുടിനുമായുള്ള ആദ്യ കൂടിക്കാഴ്ച തുടർ കൂടിക്കാഴ്ചയ്ക്ക് വേദിയൊരുക്കുമെന്ന് യുഎസ് പ്രസിഡന്റ് പറഞ്ഞു.

മുൻ‌കൂർ ജാമ്യം എന്ന് പറയുന്നതുപോലെ, ഓഗസ്റ്റ് 15 ന് അലാസ്കയിൽ നടക്കുന്ന ഉച്ചകോടിക്ക് ശേഷം ഉക്രെയ്നിലെ യുദ്ധം അവസാനിപ്പിക്കാൻ റഷ്യൻ പ്രസിഡന്റ് വ്‌ളാഡിമിർ പുടിൻ വിസമ്മതിച്ചാൽ "വളരെ ഗുരുതരമായ പ്രത്യാഘാതങ്ങൾ" ഉണ്ടാകുമെന്ന് ഓഗസ്റ്റ് 13 ന് യുഎസ് പ്രസിഡന്റ് ഡൊണാൾഡ് ട്രംപ് മുന്നറിയിപ്പ് നൽകി, പുട്ടിൻസിനെ പേടിപ്പിച്ചിട്ടുണ്ടെന്നതും ഈ കൂടിക്കാഴ്ചക്ക് ഹരം പകരും.

കഴിഞ്ഞ ആഴ്ചകളിൽ ട്രംപും പുടിനും തമ്മിൽ വളരെ സൗഹൃദപരമായ ബന്ധമില്ലായിരുന്നു, പുടിൻ വെടിനിർത്തൽ കരാർ അംഗീകരിക്കാനോ ചർച്ചകൾ നടത്താനോ വിസമ്മതിച്ചതിൽ ട്രംപ് നിരാശനായിരുന്നു. 

ഉക്രെയ്നിലെ യുദ്ധം അവസാനിപ്പിക്കുന്നതിനെക്കുറിച്ച് ചർച്ച ചെയ്യാൻ റഷ്യൻ പ്രസിഡന്റ് വ്‌ളാഡിമിർ പുടിനുമായി "വളരെ വേഗം" കൂടിക്കാഴ്ച നടത്തുമെന്ന് മിസ്റ്റർ ട്രംപ് നേരത്തെ പറഞ്ഞിരുന്നു. 

പോരാട്ടം അവസാനിപ്പിക്കാൻ കൂടുതൽ ഒന്നും ചെയ്യാത്തതിൽ ആഴ്ചകളായി നിരാശ പ്രകടിപ്പിച്ചതിന് ശേഷം, ഇത് ഒരു പ്രധാന നാഴികക്കല്ലായിരിക്കാം. എങ്ങനെയെങ്കിലും റഷ്യൻ -യുക്രെയിൻ സംഘർഷം അവസാനിപ്പിക്കാൻ സമവായം കൊണ്ടുവരാൻ സാധിച്ചാൽ, ലോകം ഇവർക്ക് നന്ദി പറയും. 
ഇന്ത്യൻ  സ്വാതന്ത്ര്യദിനാഘോഷം, മഞ്ഞുമലയുരുകിയെന്ന സന്തോഷവാർത്തയും കൊണ്ടുവരാൻ കാത്തിരിക്കാം!

 ഡോ. മാത്യു ജോയിസ്, ലാസ്‌ വേഗാസ്