ചിക്കാഗോ: ബെൻസൻവിൽ തിരുഹൃദയ ക്നാനായ കത്തോലിക്കാ ഇടവക ഹാളിൽ യുവജനങ്ങൾക്കായ് ക്രിസ്തുമസ് കൂട്ടായ്മ സംഘടിപ്പിച്ചു. യൂത്ത് മിനിസ്ട്രിയുടെ നേതൃത്വത്തിൽ ചിക്കാഗോ സെന്റ് മേരീസ്, സേക്രഡ് ഹാർട്ട് ഇടവകകളിലെ 18 നും 40 നും മദ്ധ്യേ പ്രായമായ യുവജനങ്ങളെയും യങ് കപ്പിൾസിനെയും ഉദ്ദേശിച്ചാണ് " മെറി ഫ്രണ്ട്സ് " കൂട്ടായ്മ സംഘടിപ്പിച്ചത്.ഡിസംബർ 21 ശനിയാഴ്ച ഉച്ചയ്ക്ക് 12 മുതൽ 3 മണി വരെ വിപുലമാല പരിപാടികൾ വിവിധ കമ്മിറ്റികളുടെ നേതൃത്വത്തിൽ ഒരുക്കിയിരുന്നു. ജെൻസൻ ഐക്കരപറമ്പിൽ, മെലിൻറ നെല്ലിക്കാട്ടിൽ, ഷെറിൽ താന്നിക്കുഴിപ്പിൽ എന്നിവർ സംഗമം കോർഡിനേറ്റ് ചെയ്തു. പങ്കെടുത്തവർക്കായി പ്രത്യേകം മത്സരങ്ങളും ചർച്ചകളും സ്നേഹവിരുന്നും ക്രമീകരിച്ചു.