കൊച്ചി: സത്യം തെളിഞ്ഞുവെന്ന് പ്രതികരിച്ച് നടൻ ദിലീപ്. നടിയെ ആക്രമിച്ച കേസില് വിചാരണക്കോടതി കുറ്റവിമുക്തനാക്കിയതിന് പിന്നാലെയാണ് ദിലീപിന്റെ പ്രതികരണം. മഞ്ജു വാര്യർ പറഞ്ഞിടത്തു നിന്നാണ് ഗൂഢാലോചന തുടങ്ങിയതെന്നും ഉന്നത പോലീസ് ഉദ്യോഗസ്ഥയും അവർക്കൊപ്പം ക്രിമിനൽ പോലീസുകാരും കൂട്ടുനിന്നുവെന്നും ദിലീപ് പ്രതികരിച്ചു.കോടതിയിൽ നിന്ന് പുറത്തേക്ക് വന്ന ദിലീപ് 'സര്വശക്തനായ ദൈവത്തിന് നന്ദി', എന്നാണ് ആദ്യം മാധ്യമങ്ങളോട് പ്രതികരിച്ചത്. കേസിലെ യഥാര്ത്ഥ ഗൂഢാലോചന തന്നെ പ്രതിയാക്കാന് വേണ്ടിയായിരുന്നുവെന്നും ദിലീപ് ആരോപിച്ചു.
'ക്രിമിനല് ഗൂഢാലോചനയുണ്ടെന്നും അത് അന്വേഷിക്കണമെന്നും മഞ്ജു പറഞ്ഞിടത്തു നിന്നാണ് എനിക്കെതിരേയുള്ള ഗൂഢാലോചന ആരംഭിച്ചത്. അതിന് അന്നത്തെ ഉയര്ന്ന മേലുദ്യോഗസ്ഥയും അവര് തിരഞ്ഞെടുത്ത ഒരുസംഘം ക്രിമിനല് പോലീസുകാരുമാണ് കേസുണ്ടാക്കിയത്. അതിനായി കേസിലെ മുഖ്യപ്രതിയേയും കൂട്ടുപ്രതികളേയും കൂട്ടുപിടിച്ച് കള്ളക്കഥ മെനഞ്ഞെു. എന്നിട്ട് പോലീസ് സംഘം ചില മാധ്യമങ്ങളേയും അവര്ക്ക് ഒത്താശചെയ്യുന്ന മാധ്യമപ്രവര്ത്തകരേയും കൂട്ടുപിടിച്ച് കള്ളക്കഥ സമൂഹ മാധ്യമങ്ങിലൂടെ പ്രചരിപ്പിച്ചു', ദിലീപ് ആരോപിച്ചു.
