ചിക്കാഗോ : 2025 ഏപ്രിൽ മാസം 5 ശനിയാഴ്ച ബെൽവുഡിലുള്ള സിറോ മലബാർ ചർച്ചിന്റെ വിവിധ ഹാളുകളിൽ വെച്ച് നടക്കുന്ന കലാമേളയോടനുബന്ധിച്ച് പുറത്തിറക്കുന്ന സുവനീറിന്റെ പ്രകാശനം ബുധനാഴ്ച സിറോ മലബാർ ചർച്ചിൽ വെച്ച് നടന്ന ചടങ്ങിൽ മുതിർന്ന അംഗം ശ്രീ തോമസ് വിൻസെന്റിന് ആദ്യ പ്രതി നൽകിക്കൊണ്ട് പബ്ലിസിറ്റി കൺവീനർ ശ്രീ ബിജു മുണ്ടക്കൽ പ്രകാശനം ചെയ്തു . ചിക്കാഗോ മലയാളി അസോസിയേഷൻ പ്രസിഡന്റ് ജെസ്സി റിൻസി, പ്രോഗ്രാം കൺവീനർ സാറ അനിൽ ,കോർഡിനേറ്റർ വര്ഗീസ് തോമസ് ,കോ ഓർഡിനേറ്റർ ഷൈനി ഹരിദാസ് ,ബോർഡ് മെമ്പർ ജോസ് മണക്കാട്ട് ,റോസിലി തോമസ് തുടങ്ങിയവർ പങ്കെടുത്തു.
കലാമേള ഏപ്രിൽ മാസം 5 ശനിയാഴ്ച രാവിലെ 7.30 ന് ആരംഭിക്കും . പ്രസിഡന്റ് ജെസ്സി റിൻസി കലാമേള ഉദ്‌ഘാടനം ചെയ്യും. മത്സരാർത്ഥികളുൾപ്പെടെ എല്ലാവരും കൃത്യ സമയത്തു തന്നെ എത്തിച്ചേരണമെന്ന് സംഘാടകർ അറിയിച്ചു