ഫ്രാങ്ക്ലിൻ സ്ക്വയർ (ന്യൂയോർക്ക്):  മലങ്കര ഓർത്തഡോൿസ് സഭയുടെ അമേരിക്കൻ ഭദ്രാസന ഫാമിലി & യൂത്ത് കോൺഫറൻസ് സംഘാടക കമ്മിറ്റിക്ക്  ഫ്രാങ്ക്ലിൻ സ്ക്വയർ  സെന്റ് ബേസിൽ ഓർത്തഡോക്സ് പള്ളിയിൽ മാർച്ച് 2 ഞായറാഴ്ച, ഊഷ്മളമായ സ്വീകരണം ലഭിച്ചു. കുർബാനയ്ക്കുശേഷം വികാരി  ഫാ. തോമസ് പോൾ കോൺഫറൻസ്  കമ്മിറ്റി അംഗങ്ങളെ സ്വാഗതം ചെയ്തു.
മാത്യു ജോഷ്വ (മുൻ ട്രഷറർ), മാത്യു വർഗീസ് (ഫിനാൻസ് കമ്മിറ്റി), പ്രേംസി ജോൺ II (ഫിനാൻസ്), സ്റ്റീഫൻ തോമസ് (ഫിനാൻസ്), ഡോ. ഷെറിൻ എബ്രഹാം (ജോയിന്റ് സെക്രട്ടറി),  ഡോ. സിനി വർഗീസ് (മെഡിക്കൽ),  ജോനാഥൻ മത്തായി (മീഡിയ & എന്റർടൈൻമെന്റ്), ആരോൺ ജോഷ്വ (സ്പോർട്സ് & രജിസ്ട്രേഷൻ),  ഫിയോണ പ്രേംസി (എന്റർടൈൻമെന്റ്), ഈതൻ കൂട്ടുമത (എന്റർടൈൻമെന്റ്), റയൻ ഉമ്മൻ (സ്പോർട്സ് & രജിസ്ട്രേഷൻ), നിയ ഡേവിഡ് (എന്റർടൈൻമെന്റ്) എന്നിവർ കോൺഫറൻസ്  ടീമിൽ ഉണ്ടായിരുന്നു.
വികാരിയോടൊപ്പം എബി സാമുവൽ (ഇടവക സെക്രട്ടറി),  റെജു ജോസ് ഫിലിപ്പോസ് (ട്രസ്റ്റി), ബിനു കൊപ്പാറ (മലങ്കര സഭാ മാനേജിംഗ് കമ്മിറ്റി അംഗം), ബാബു പാറയ്ക്കൽ (മലങ്കര അസോസിയേഷൻ അംഗം), കോരസൺ വർഗീസ് (ഭദ്രാസന അസംബ്ലി അംഗം & മുൻ ഫാമിലി കോൺഫറൻസ് കോർഡിനേറ്റർ), ലവിൻ ജോൺസൺ (ഭദ്രാസന അസംബ്ലി അംഗം) എന്നിവരും വേദിയിൽ പങ്കുചേർന്നു:
ഫാമിലി & യൂത്ത് കോൺഫറൻസിന്റെ  പ്രാരംഭ വർഷങ്ങളിൽ മുതിർന്ന അംഗം കെ. ടി. ജോർജ് നൽകിയ സേവനങ്ങളെയും കോൺഫറൻസിന്റെയും  ഭദ്രാസനത്തിന്റെയും വളർച്ചയ്ക്കായി മറ്റ് നിരവധി ഇടവകാംഗങ്ങൾ നൽകിയ  നേതൃത്വത്തെയും ഡോ. ഷെറിൻ എബ്രഹാം അനുസ്‌മരിച്ചു.
കോൺഫറൻസിന്റെ സ്ഥലം, തീയതി, പ്രാസംഗികർ  എന്നിവയുൾപ്പെടെയുള്ള പ്രധാന വിവരങ്ങളും ഷെറിൻ പങ്കുവെച്ചു. സമീപ വർഷങ്ങളിൽ യുവാക്കളുടെ വർദ്ധിച്ചുവരുന്ന നേതൃത്വവും പങ്കാളിത്തവും പ്രത്യാശനൽകുന്നതായി  ഷെറിൻ ചൂണ്ടിക്കാട്ടി.  ഈ വർഷത്തെ കോൺഫറൻസ്  ന്യൂയോർക്കിനോട് അടുത്തായതിനാൽ എല്ലാവരും രജിസ്റ്റർ ചെയ്യാനും പങ്കെടുക്കാനും ഷെറിൻ പ്രോത്സാഹിപ്പിച്ചു.
ഡോ. സിനി വർഗീസ് രജിസ്ട്രേഷൻ വിശദാംശങ്ങൾ പങ്കിട്ടു.  21 വയസ്സിന് താഴെയുള്ള യുവതീ യുവാക്കൾക്ക് കുറഞ്ഞ നിരക്കിൽ  രജിസ്റ്റർ ചെയ്യാനുള്ള അവസരം സിനി വിശദീകരിച്ചു. നിരവധി  ആനുകൂല്യങ്ങൾ വാഗ്ദാനം ചെയ്യുന്ന സ്പോൺസർഷിപ്പ് പാക്കേജുകൾ മാത്യു ജോഷ്വ അവതരിപ്പിച്ചു.
സമ്മേളനത്തിന്റെ സ്മരണയ്ക്കായി പ്രസിദ്ധീകരിക്കുന്ന സുവനീറിനെക്കുറിച്ചും, ലേഖനങ്ങൾ,  പരസ്യങ്ങൾ,  ആശംസകൾ തുടങ്ങിയവ ഉൾപ്പെടുത്തുന്നതിനുള്ള ഓപ്ഷനുകളെയും  കുറിച്ച് പ്രെംസി ജോൺ II  സംസാരിച്ചു.
കോൺഫറൻസിന്റെ രണ്ടാം ദിവസം നടത്തുന്ന ഏറെ പ്രതീക്ഷയോടെ കാത്തിരിക്കുന്ന രുന്ന ടാലന്റ് നൈറ്റിനായി ജോനാഥൻ മത്തായി ശ്രദ്ധ അപേക്ഷിച്ചു. കഴിഞ്ഞ വർഷം ഇടവകയുടെ  ഉദ്ഘാടന നൃത്തം എത്ര മികച്ചതായിരുന്നുവെന്ന് ഓർമ്മിപ്പിച്ചുകൊണ്ട്  ഈ വർഷവും  ഒരു ആവേശകരമായ പരിപാടി സംഘടിപ്പിക്കാൻ ജോനാഥൻ പ്രോത്സാഹിപ്പിച്ചു.
ഒരേ വിശ്വാസത്തിലുള്ള സുഹൃത്തുക്കളെ കണ്ടെത്തുന്നതിന് കോൺഫറൻസ് എത്രത്തോളം സഹായിക്കുന്നു എന്നും മൂന്നാം വയസ്സുമുതൽ താൻ അത് എങ്ങനെ ആസ്വദിക്കുന്നുണ്ടെന്നും ഫിയോണ പ്രേംസി വിശദീകരിച്ചു.
ഈ വർഷത്തെ കോൺഫറൻസിനെ  പിന്തുണയ്ക്കാൻ ഇതിനകം പ്രതിജ്ഞയെടുത്ത എല്ലാവരെയും മാത്യു വർഗീസ് അനുസ്മരിച്ചു.
കോൺഫറൻസിനായി ആദ്യ വർഷങ്ങളിൽ താൻ നടത്തിയ  നിരുപാധികമായ പ്രവർത്തനങ്ങളെക്കുറിച്ച് സംസാരിച്ച കോരസൺ വർഗീസ്  ഇപ്പോൾ ഇത് മറ്റൊരു തലത്തിലേക്ക് വളരുന്നത് കാണുന്നതിൽ സന്തോഷമുണ്ടെന്ന് അറിയിക്കുകയും  പങ്കെടുക്കാൻ എല്ലാവരേയും പ്രോത്സാഹിപ്പിക്കുകയും ചെയ്തു. 
കോൺഫറൻസിന്റെ ഒരു മുൻ കോർഡിനേറ്ററായ ഫാ. തോമസ് പോൾ മാതാപിതാക്കൾക്കു മുമ്പായി  കോൺഫറൻസിൽ രജിസ്റ്റർ ചെയ്യാൻ  യുവതീ യുവാക്കളെ പ്രോത്സാഹിപ്പിച്ചു.
2025 ജൂലൈ 9 മുതൽ 12 വരെ കണക്ടിക്കട് ഹിൽട്ടൺ സ്റ്റാംഫർഡ് ഹോട്ടൽ & എക്‌സിക്യൂട്ടീവ് മീറ്റിംഗ് സെൻ്ററിലാണ് കോൺഫറൻസ് നടക്കുന്നത്. റവ. ഡോ. നൈനാൻ വി. ജോർജ് (ഓർത്തഡോക്സ് വൈദിക സംഘം  ജനറൽ സെക്രട്ടറി, റവ. ഡോ. റ്റിമത്തി (ടെന്നി) തോമസ് (നോർത്ത് ഈസ്റ്റ് അമേരിക്കൻ ഭദ്രാസന സൺഡേ സ്കൂൾ ഡയറക്ടർ), ഫാ.  ജോൺ (ജോഷ്വ) വർഗീസ്, (സൗത്ത് വെസ്റ്റ് അമേരിക്കൻ ഭദ്രാസന യൂത്ത് മിനിസ്റ്റർ), റവ. ഡീക്കൻ അന്തോണിയോസ് (റോബി) ആൻ്റണി (ടാൽമീഡോ- നോർത്ത് ഈസ്റ്റ് അമേരിക്കൻ ഭദ്രാസന മെൻസ് മിനിസ്ട്രി ഡയറക്ടർ) എന്നിവരാണ് മുഖ്യ പ്രാസംഗികർ. ‘നമ്മുടെ പൗരത്വം സ്വർഗത്തിലാണ്, അവിടെനിന്നുള്ള ഒരു രക്ഷകനായ കർത്താവായ യേശുക്രിസ്തുവിനെ ഞങ്ങൾ ആകാംക്ഷയോടെ കാത്തിരിക്കുന്നു”(ഫിലിപ്പിയർ 3:20) എന്ന ബൈബിൾ വാക്യത്തെ അടിസ്ഥാനമാക്കിയുള്ള ‘The Way of the Pilgrim’ (പരദേശിയുടെ വഴി) എന്നതാണ് കോൺഫറൻസിൻ്റെ പ്രമേയം. ബൈബിൾ, വിശ്വാസം, പാരമ്പര്യം, സമകാലിക വിഷയങ്ങൾ എന്നിവയെ അടിസ്ഥാനമാക്കി കുട്ടികൾക്കും യുവജനങ്ങൾക്കും മുതിർന്നവർക്കും പ്രത്യേകം സംവേദനാത്മക സെഷനുകൾ ഉണ്ടായിരിക്കും.
രജിസ്ട്രേഷനും വിശദാംശങ്ങൾക്കും www.fycnead.org സന്ദർശിക്കുക.
കൂടുതൽ വിവരങ്ങൾക്ക്, ഫാ. അബു വർഗീസ് പീറ്റർ, കോൺഫറൻസ് കോർഡിനേറ്റർ (ഫോൺ: 914-806-4595),  ജെയ്‌സൺ തോമസ്, കോൺഫറൻസ് സെക്രട്ടറി (ഫോൺ: 917.612.8832), ജോൺ താമരവേലിൽ, കോൺഫറൻസ് ട്രഷറർ) (ഫോൺ: 917.533.3566) എന്നിവരുമായി ബന്ധപ്പെടുക.