ആലപ്പുഴ തകഴിയില് അമ്മയും മകളും ട്രെയിനിന് മുന്നില് ചാടി മരിച്ചു. പഞ്ചായത്ത് ജീവനക്കാരിയായ തകഴി കേളമംഗലം വിജയ നിവാസില് പ്രിയ (46), പത്താം ക്ലാസ് വിദ്യാര്ത്ഥിനിയായ മകള് കൃഷ്ണപ്രിയ (15) എന്നിവരാണ് മരിച്ചത്. ജീവനൊടുക്കിയതെന്നാണ് സൂചന.
വ്യാഴാഴ്ച ഉച്ചയ്ക്ക് 2 മണിയോടെ തകഴി ആശുപത്രി ലെവല് ക്രോസിന് സമീപമായിരുന്നു സംഭവം. സ്കൂട്ടറില് എത്തിയ ഇവര് സ്കൂട്ടര് റോഡില്വെച്ച് പാളത്തിലേക്ക് നടന്നു കയറുകയായിരുന്നു. ആലപ്പുഴ-കൊല്ലം പാസഞ്ചര് തീവണ്ടിക്ക് മുന്നിലാണ് ചാടിയത്.
