ചിക്കാഗോ: നായര്‍ അസോസിയേഷന്‍ ഓഫ് ഗ്രേറ്റര്‍ ചിക്കാഗോയുടെ ഈ വര്‍ഷത്തെ വിഷു ആഘോഷം ഡെസ്പ്ലെയിന്‍സിലുള്ള കെ.സി.എസ് സെന്‍ററില്‍ വെച്ച് നടന്നു. കൃത്യം അഞ്ചു മണിക്ക് തന്നെ വിഷു പരിപാടികള്‍ക്ക് തുടക്കം കുറിച്ചു. ശ്രേയാ കൃഷ്ണന്‍റെ ഈശ്വര പ്രാര്‍ത്ഥനയോടു കൂടി ആരംഭിച്ച ചടങ്ങില്‍ പ്രസിഡണ്ട് അരവിന്ദ് പിള്ള ഏവരേയും സ്വാഗതം ചെയ്യുകയും ഈ പുതുവര്‍ഷം ഏവര്‍ക്കും സന്തോഷവും സമാധാനവും ഐശ്വര്യവും നിറഞ്ഞതാകട്ടെയെന്ന് ആശംസിക്കുകയും ചെയ്തു.
മുതിര്‍ന്ന മെംബറായ എം.ആര്‍.സി. പിള്ളയും മറ്റു ബോര്‍ഡ് അംഗങ്ങളും കൂടി ഭദ്രദീപം കൊളുത്തി. കൂടാതെ ഈയവസരത്തില്‍ സംഘടനയുടെ സ്ഥാപക പ്രസിഡണ്ടായിരുന്ന എം.എന്‍.സി. നായരുടെ നിര്യാണത്തില്‍ ഒരു മിനിറ്റ് മൗനമാചരിച്ച് ഏവരും പ്രാര്‍ത്ഥിക്കുകയും അദ്ദേഹത്തിന്‍റെ വേര്‍പാടില്‍ അനുശോചിക്കുകയും ചെയ്തു.
എം.ആര്‍.സി. പിള്ള ഏവര്‍ക്കും വിഷുകൈനീട്ടം നല്കി. അസോസിയേഷന്‍ മെംബറും പ്ലയിന്‍ ഫീല്‍ഡ് സിറ്റിയിലെ ട്രസ്റ്റിയുമായി തെരഞ്ഞെടുക്കപ്പെട്ട ശിവന്‍ മുഹമ്മയെ ചടങ്ങില്‍ ആദരിക്കുകയും അദ്ദേഹത്തിന്‍റെ ഈ പുതിയ സ്ഥാനലബ്ധിയിലുള്ള സന്തോഷം അറിയിക്കുകയും ചെയ്തു. കൂടാതെ സംഘടനയുടെ പുതിയ ഭാരവാഹികളെ പ്രസിഡണ്ട് പ്രഖ്യാപിക്കുകയും ചെയ്തു. ലീലാ പിള്ളയുടെ നേതൃത്വത്തില്‍ വിഷുക്കണി ഒരുക്കങ്ങള്‍ നടത്തി. ദീപു നായര്‍ കലാപരിപാടികള്‍ക്ക് നേതൃത്വം നല്കി. കൊച്ചുകലാകാരന്മാരുടെയും കലാകാരികളുടെയും വൈവിധ്യമാര്‍ന്ന പരിപാടികള്‍ ചടങ്ങ് വളരെ ആസ്വാദ്യകരമാക്കി. സൗപര്‍ണിക കലാക്ഷേത്ര, ജയ്ലിന്‍ ആന്‍ഡ് ജയ്മി കരുണ എന്നിവരുടെ സംഘനൃത്തങ്ങള്‍, സിന്ധു വിനോദിന്‍റെ ഓടക്കുഴല്‍ ഗാനം തുടങ്ങി വിവിധ കലാപരിപാടികള്‍ അരങ്ങേറി. സദ്യയുടെ മേല്‍നോട്ടം ജിതേന്ദ്ര കൈമളും രവി മുണ്ടയ്ക്കലും കൂടി നിര്‍വഹിച്ചു.
മറ്റു വിവിധ പരിപാടികള്‍ക്ക് രഘുനായര്‍, രവി നായര്‍, വിജി നായര്‍, ചന്ദ്രന്‍പിള്ള, ഗോപാല്‍ തുപ്പലിക്കാട്ട്, രാജഗോപാലന്‍ നായര്‍, ശോഭാ നായര്‍, വിജയ കൈമള്‍, വിജയ പിള്ള, മിനി നായര്‍, ഉമാ മഹേഷ്, കലാ നായര്‍ തുടങ്ങിയവര്‍ നേതൃത്വം നല്കി.സെക്രട്ടറി മഹേഷ് കൃഷ്ണൻ ഏവർക്കും നദി രേഖപ്പടുത്തി
