കോഴഞ്ചേരി: ലോകപ്രശസ്തമായ മാരാമൺ കൺവെൻഷൻ യുവവേദിയിൽ ഇന്ന് (ശനി) ഉച്ചകഴിഞ്ഞ് 4 മണിക്ക് മുഖ്യപ്രഭാഷണം നടത്തുന്ന റവ. ഫാ. അലക്സാണ്ടർ ജെയിംസ് കുര്യന് കോഴഞ്ചേരിയിലെ കോലത്ത് തറവാട്ടിൽ ഊഷ്മളമായ സ്വീകരണം നൽകി ആദരിച്ചു.

വൈറ്റ് ഹൗസ് ഫെയ്ത്ത് ഓഫീസ് ലിയാസൺ, സീനിയർ എക്സിക്യൂട്ടീവ് ഡെപ്യൂട്ടി അസോസിയേറ്റ് അഡ്മിനിസ്ട്രേറ്റർ, യു.എസ്. ഗവൺമെന്റ് (വാഷിംഗ്ടൺ ഡി.സി., യു.എസ്.എ.) എന്നീ പ്രമുഖ നിലകളിൽ സേവനം ചെയ്യുന്ന റവ. ഫാ. അലക്സാണ്ടർ ജെയിംസ് കുര്യനെ ആദരിക്കുന്നതിനായി സംഘടിപ്പിച്ച സ്നേഹസമ്മേളനത്തിൽ വിവിധ മേഖലകളിലെ പ്രമുഖർ പങ്കെടുത്തു.

പ്രസ്തുത സ്നേഹസംഗമത്തിൽ ഡോ. കെ. എം. ചെറിയാൻ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിന്റെ മാനേജിംഗ് ഡയറക്ടർ ഫാ. അലക്സാണ്ടർ കൂടാരം, വേൾഡ് മലയാളി കൗൺസിൽ ഗ്ലോബൽ വൈസ് പ്രസിഡന്റ് ജെയിംസ് കൂടൽ, WMC ഖത്തർ പ്രൊവിൻസ് വനിതാ ഫോറം പ്രസിഡന്റ് ശ്രീമതി ഷീലാ ഫിലിപ്പോസ്, FOMAA (USA) സ്ഥാപക നേതാവ് ശശിധരൻ നായർ, റോയ് മുത്തൂട്ട്, റിട്ട. പോലീസ് സൂപ്രണ്ട് പി. എസ്. സുരേഷ് കുമാർ, ജില്ലാ കാൻസർ സെന്റർ ഡയറക്ടർ ഡോ. ശശിധരൻ പിള്ള, മുൻ പഞ്ചായത്ത് പ്രസിഡന്റ് റോയ് ഫിലിപ്പ്, ശ്രീമതി ബിന്ദു പ്രസാദ്, റെജി താഴമൺ, ബിജലി പി. ഈശോ, ജിജി നെടുമണ്ണിൽ, ജിബു ജോൺ, ബാബു ചെന്നാട്ട്, ജോർജ് മാത്യു, മോട്ടി പുളിമൂട്ടിൽ, മാമ്മൻ കൊണ്ടൂർ കുര്യൻ പ്രക്കാനം (കാനഡ), ഷാജി പുളിമൂട്ടിൽ, അനിൽ തൊള്ളായിരക്കുഴിയിൽ, മോട്ടി ചെറിയാൻ, വിജോ പൊയ്യാനിൽ, ജോജി കോലത്ത്, രാജൻ ആശാരത്ത്, ബാബു ചെമ്പോലിൽ, സാംകുട്ടി ചെറുകര, പ്രൊഫ. ഫിലിപ്പ് പാറെപ്പാട്ട്, ലില്ലി ജോർജ്, ശാന്തമ്മ ഏബ്രഹാം, വേൾഡ് മലയാളി കൗൺസിൽ ഗ്ലോബൽ ഗുഡ്‌വിൽ അംബാസഡർ ജോസ് കോലത്ത്, രാജൻകുട്ടി കാഞ്ഞിരമണ്ണിൽ, ആൽവിൻ വർഗീസ്, റോജി കോശി എന്നിവർ ഉൾപ്പെടെ വിവിധ രംഗങ്ങളിൽ പ്രവർത്തിക്കുന്നവർ പങ്കെടുത്തു.

ഈ വർഷം മാരാമൺ കൺവെൻഷനിൽ പങ്കെടുക്കാൻ അവസരം ലഭിച്ചത് ജീവിതത്തിലെ മഹാഭാഗ്യമായി കരുതുന്നതായി റവ. ഫാ. അലക്സാണ്ടർ ജെയിംസ് കുര്യൻ പറഞ്ഞു. ദൈവത്തിന്റെ മഹത്വം എപ്പോഴും ദൈവത്തിനുതന്നെയാണെന്നും വിനയത്തോടെയും ആത്മാർത്ഥമായ സേവനത്തോടെയും മുന്നോട്ട് പോകണമെന്നും അദ്ദേഹം ഉദ്ബോധിപ്പിച്ചു.

സ്നേഹവും ആത്മീയതയും നിറഞ്ഞ സാന്നിധ്യമായി മാറിയ ഈ സംഗമം കോഴഞ്ചേരി പ്രദേശത്തിന്റെ സാമൂഹിക-സാംസ്കാരിക രംഗങ്ങളിൽ ശ്രദ്ധേയമായി. വിവിധ മേഖലകളിൽ പ്രവർത്തിക്കുന്ന വ്യക്തിത്വങ്ങളുടെ സാന്നിധ്യം പരിപാടിയെ കൂടുതൽ ഗൗരവവത്കരിച്ചു.