ക്യൂന്‍സ്: 1971 മുതല്‍ ക്യൂന്‍സ് ജനറല്‍ ഹോസ്പിറ്റലില്‍ പീഡിയാട്രിക് നേഴ്സും തുടര്‍ന്ന് ഡിപ്പാര്‍ട്ടുമെന്‍റ് ഹെഡ് നേഴ്സുമായി വിരമിച്ച പള്ളിപ്പാട് പടനിലത്ത് സാറാമ്മ കോശി തോമസ് അന്തരിച്ചു. ട്രാന്‍സിറ്റ് അതോറിറ്റി റിട്ടയേര്‍ഡ് ഉദ്യോഗസ്ഥനും ക്യൂന്‍സില്‍ രാഷ്ട്രീയരംഗത്തും മലങ്കര സഭാ മാനേജിംഗ് കമ്മിറ്റി മെംബറായും ദീര്‍ഘകാലം സേവനമനുഷ്ഠിച്ച് വിരമിച്ച തുമ്പമണ്‍ ചക്കാലവടക്കേതില്‍ ക്യാപ്റ്റന്‍ കോശി തോമസിന്‍റെ (ക്യാപ്റ്റന്‍ സണ്ണി) ഭാര്യയാണ് പരേത.
ഉദ്യോഗത്തില്‍ നിന്നും വിരമിച്ചതിനെത്തുടര്‍ന്ന് അല്‍ഷൈമേഴ്സ് രോഗബാധിതയായ സാറാമ്മ ഭര്‍ത്താവിനൊപ്പം കോട്ടയത്തും പിന്നീട് തുമ്പമണ്‍ ചക്കാലവടക്കേതിലുമായി വിശ്രമജീവിതം നയിച്ചുവരികയായിരുന്നു. തിങ്കളാഴ്ച രാത്രി 11 മണിയോടെയായിരുന്നു അന്ത്യം.
സംസ്കാരം ശനിയാഴ്ച ഉച്ചയ്ക്ക് രണ്ട് മണിക്ക് തുമ്പമണ്‍ ഭദ്രാസന പള്ളി സെമിത്തേരിയില്‍. മകന്‍: അഡ്വ. സനു കെ. തോമസ് (ക്യൂന്‍സ്), മരുമകള്‍: ഡോ. ജ്വാല തോമസ്.
സാറാമ്മ കോശി തോമസ്
