ചിക്കാഗോ: എസ് ബി കോളേജ് ഫിസിക്സ് വിഭാഗം അധ്യാപകനും കോളേജിലെ പൂർവ വിദ്യാർഥിയുമായിരുന്ന പ്രൊഫ കെ എസ് ആന്റണിയുടെ നിര്യാണത്തിൽ എസ് ബി അസംപ്‌ഷൻ അലുമ്‌നി അസോസിയേഷൻ ചിക്കാഗോ ചാപ്റ്റർ ദുഖവും അനുശോചനവും അറിയിച്ചു. ചിക്കാഗോയിലെ സാമൂഹിക -സാംസ്കാരിക മേഖലകളിൽ വ്യക്‌തിമുദ്ര പതിപ്പിച്ച പരേതൻ എസ് ബി അസംപ്‌ഷൻ അലുമ്‌നി അസോസിയേഷന്റെ രൂപീകരണത്തിലും വളർച്ചയിലും നൽകിയ സംഭാവനകൾ അവിസ്മരണീയാണെന്ന് അസ്സോസിയേഷൻ പ്രസ്താവനയിൽ പറഞ്ഞു. മികച്ച നേതൃപാടവത്തിന് ഉത്തമ മാതൃകയായ കെ എസ് ആന്റണി, ചിക്കാഗോയിലെ പ്രമുഖ മത സാംസ്കാരിക കൂട്ടായ്‌മയുടെ സ്ഥാപകനും തികഞ്ഞ മനുഷ്യ സ്നേഹിയുമായിരുന്നു.
അലുമ്‌നി അസോസിഷൻ അംഗങ്ങൾ പ്രസിഡന്റ് ഡോ മനോജ് നേര്യംപറമ്പിലിന്റെ നേതൃത്തിൽ പുഷ്പചക്രം അർപ്പിച്ച്‌ അനുശോചനം അറിയിച്ചു.
പ്രൊഫ കെ എസ് ആന്റണി
