ഇപ്പോൾ നിനക്കു പാകമായ വാമനരൂപത്തിലിരുന്ന് , നീയെനിക്കു വാഗ്ദാനം ചെയ്ത പ്രണയത്തിന്റെ മൂന്നടി മണ്ണ് ആവശ്യപ്പെടുന്നു.
നീ തന്ന ചിറകുകൾക്കായ്
ഞാനാകാശം ചുരുക്കി
നിന്റെ ഉയരങ്ങൾക്കൊപ്പമെത്താൻ
എന്റെ പർവ്വതങ്ങളുടെ ശിരസറുത്തു.
നിനക്ക് നങ്കൂരമിടാൻ
കടലുകൾ ആഴം കുറച്ചു.
നിറങ്ങൾ കെട്ടുപോകാതിരിക്കാൻ
എൻ്റെ മഴവില്ലുകൾ മായ്ച്ചുകളഞ്ഞു.
ഇപ്പോൾ നിനക്കു പാകമായ
വാമനരൂപത്തിലിരുന്ന് ,
നീയെനിക്കു വാഗ്ദാനം ചെയ്ത
പ്രണയത്തിന്റെ മൂന്നടി മണ്ണ്
ആവശ്യപ്പെടുന്നു.
ആശ.ബി
