നൃൂയോർക്ക്; ലോകത്തിലെ അഞ്ചു വൻകരകളിൽ നിന്നും ഭാഷ- വർഗ്ഗ വർണ്ണ വ്യത്യാസങ്ങളുടെ അതിർവരമ്പുകൾ ഇല്ലാതെ പതിനായിരങ്ങൾ ഒന്നിക്കുന്ന 27 -)മത് ലോക പെന്തക്കോസ്ത് സമ്മേളനം ജൂൺ 4 മുതൽ 7 വരെ ഫിൻ ലെൻ്റിലെ ഹെൽസിങ്കിയിൽ നടക്കുമെന്ന് പി.ഡബ്ല്യു .സി മീഡിയ പ്രതിനിധി സ്റ്റാൻലി ജോർജ് അറിയിച്ചു.മൂന്നു വർഷത്തിലൊരിക്കൽ നടക്കുന്ന ലോക സമ്മേളനം 1947 -ൽ സൂറിച്ചിലാണ് ആരംഭിച്ചത്.
പത്തൊമ്പതാം നൂറ്റാണ്ടിന്റെ പ്രാരംഭത്തിൽ പുനരാരംഭിച്ച ആധുനിക പെന്തക്കോസ്ത് മുന്നേറ്റം ഇന്ന് ലോകത്ത് ഏറ്റവും വേഗം വളരുന്ന ആധ്യാത്മിക സമൂഹമായി അംഗസംഖ്യയിൽ 100 കോടിയിലേറെയുള്ള ആത്മീക മുന്നേറ്റമാണ്.
എല്ലാ ആഗോള പെന്തക്കോസ്ത് വിഭാഗങ്ങളും ഒന്നിച്ചു സഹകരിക്കുന്ന കോൺഫറൻസിന്റെ സംഘാടകർ വേൾഡ് പെന്തക്കോസ് ഫെലോഷിപ്പ് ആണ് .
പെന്തക്കോസ്തലിസത്തിന്റെ ലോകവ്യാപകമായ വളർച്ചയ്ക്കും പെന്തക്കോസ്ത് വിഭാഗങ്ങൾ തമ്മിലുള്ള ഐക്യ പ്രസ്ഥാനങ്ങൾക്കും സമ്മേളനം നിർണായക ശക്തിയായ പ്രവർത്തിക്കുന്നു എന്നും പത്രക്കുറിപ്പിൽ സ്റ്റാൻലി ജോർജ് വിശദീകരിച്ചു.

ലോക സുവിശേഷീകരണത്തിനും ആഗോള പ്രശ്നങ്ങളുടെ പരിഹാരത്തിനും പരിശുദ്ധാത്മാവിൻറെ അനുഗ്രഹങ്ങൾ സഭകളിൽ കൂടുതലായി പകരപ്പെടുന്നതിനും ഉപോദ് ബലകമായ ചർച്ചകളും പ്രഭാഷണങ്ങളും ഒരുക്കിയിട്ടുണ്ട്.
ഈ സമ്മേളനത്തിൽ പങ്കെടുക്കുന്നവർക്ക് തങ്ങളുടെ ശുശ്രൂഷകളിൽ ഒരു പുത്തൻ ആവേശവും ചൈതന്യവും നൽകുന്നതിൽ ലോക പെന്തക്കോസ്ത് സമ്മേളനം വിജയിക്കുന്നു. കോൺഫ്രൻസിൽ പങ്കെടുക്കുന്നവർക്കുള്ള മാർഗ്ഗ നിർദ്ദേശങ്ങൾക്കും രജിസ്ട്രേഷനും
pwc2025.fi എന്ന വെബ്സൈറ്റ് പ്രവർത്തിക്കുന്നു.യാത്രാക്രമീകരണങ്ങൾക്കായി ടൂർ ഏജൻസികളുടെ സേവനം ലഭ്യമാണ് :
The Olive Way Tours ,9961720195(ഇന്ത്യ)
Admiral Travel Bureau
1-214.554.1424(യു എസ് എ)