സാൻ ഹൊസെ , കാലിഫോർണിയ :  നിങ്ങൾ ലോകമെങ്ങും പോയി സുവിശേഷം പ്രസംഗിക്കുവിന്‍ എന്ന യേശുവിന്‍റെ വചനത്തെ അനുസ്മരിച്ചുകൊണ്ട്  സെന്‍റ്   മേരീസ് ക്നാനായ കാത്തലിക് ക്നാനായ ദേവാലയത്തിൽ ചെറുപുഷ്പ മിഷൻ ലീഗിന്‍റെ നേതൃത്വത്തിൽ നവംബർ 17 ഞായറാഴ്ച  മിഷൻ ദിനം ആചരിച്ചു . വികാരി ഫാ : ജെമി പുതുശ്ശേരിയുടെ നേതൃത്വത്തിൽ നടത്തപെട്ട കുർബാന മദ്ധ്യേ പ്രത്യേകമായി പ്രാർത്ഥിക്കുകയും ശേഷം ഹാളിൽ ഇടവകാംഗങ്ങൾ ഒത്തു ചേർന്ന് മിഷൻ ദിനം ആഘോഷിക്കുകയും ചെയ്തു .

കത്തോലിക്ക സഭയുടെ വിശ്വാസവും പ്രവർത്തനങ്ങളും സാധാരണ ആളുകളുടെയും പ്രത്യേകിച്ചു കുട്ടികളുടെ ഇടയിൽ വളർത്തുവാനും അതുവഴി കത്തോലിക്ക സഭയുടെ മിഷനറി പ്രവർത്തനങ്ങളിൽ ഭഗവത്താകുക എന്ന ഉദ്ദേശവുമായി 1947ൽ ആരംഭിച്ച ഒരു  കത്തോലിക്ക അൽമായ  സംഘടന ആണ് ചെറുപുഷ്പ മിഷൻ ലീഗ് . ഇന്ന്  ഈ സംഘടന ലോകത്തിന്‍റെ പല ഭാഗങ്ങളിലായി നിലകൊള്ളുന്നുണ്ട് . 
18- ആം നൂറ്റാണ്ടിൽ ഫ്രാൻസിലെ ലിസിയൂസ്- ഇൽ ജീവിച്ച വിശുദ്ധ കൊച്ചു ത്രേസ്യ ആണ് ഈ സംഘടനയുടെ പ്രധാന പേട്രൺ. ഇത് കൂടാതെ വിശുദ്ധ തോമാശ്ലീഹാ , ഫ്രാൻസിസ് സേവ്യർ , അൽഫോൻസാമ്മ എന്നിവരും ഈ സംഘടനയുടെ പ്രധാന വിശുദ്ധർ ആണ് .

ആഘോഷത്തിന്‍റെ ഭാഗമായി വേദപാഠ കുട്ടികളുടെയും മാതാപിതാക്കളുടെയും നേതൃത്വത്തിൽ  ഫുഡ് ഫെസ്റ്റും അതോടൊപ്പം കുട്ടികൾക്കായി പലവിധ  ഗെയിംസും നടത്തപ്പെട്ടു.  സംഘടന ഡയറക്ടർ ആയ  ഇടവക വികാരി ഫാ . ജെമി പുതുശ്ശേരിൽ , ജോയിന്‍റ്  ഡയറക്ടർ  അനു വേലികെട്ടൽ , കോർഡിനേറ്റർമാരായ  ശീതൾ മരവെട്ടിക്കൂട്ടത്തിൽ ,  റോബിൻ ഇലഞ്ഞിക്കൽ എന്നിവരാണ് ഈ ആഘോഷത്തിന് നേതൃത്വം നൽകിയത് .