ന്യൂഡൽഹി: ധനമന്ത്രി നിർമല സീതാരാമൻ തുടർച്ചയായ ഒൻപതാമത് കേന്ദ്ര ബജറ്റാണ് അവതരിപ്പിച്ചത്. ഒരു മണിക്കൂറും 25 മിനിറ്റും നീണ്ട ബജറ്റ് അവതരണത്തിൽ ആദായനികുതി സ്ലാബുകളിലെയും നിരക്കുകളിലെയും മാറ്റങ്ങളിൽ പ്രധാനമായും ശ്രദ്ധ കേന്ദ്രീകരിക്കുന്നതിനൊപ്പം തന്നെ, വിവിധ മേഖലകൾ-പ്രത്യേകിച്ച് അമേരിക്കൻ താരിഫുകളുടെ ആഘാതം നേരിടുന്ന കയറ്റുമതി അധിഷ്ഠിത വ്യവസായങ്ങളിൽ പ്രത്യേകം ശ്രദ്ധ പതിപ്പിച്ചിട്ടുണ്ട്.
നിർമല സീതാരാമന്റെ 2026-ലെ ബജറ്റ് പ്രഖ്യാപനങ്ങൾ പ്രകാരം വില കുറയുന്നവയുടെയും കൂടുന്നവയുടെയും പട്ടിക താഴെ നൽകുന്നു. കാൻസർ മരുന്നുകൾക്കും ഇലക്ട്രോണിക്സ് ഉപകരണങ്ങൾക്കും വില കുറയുന്നത് സാധാരണക്കാർക്ക് വലിയ ആശ്വാസമാകും.

17 കാൻസർ മരുന്നുകൾ: ജീവൻ രക്ഷാ മരുന്നുകളുടെ ഇറക്കുമതി തീരുവ കുറച്ചതിനാൽ കാൻസർ ചികിത്സാ ചെലവ് കുറയും.
അപൂർവ്വമായ 7 രോഗങ്ങൾക്കുള്ള മരുന്നുകളുടെ ഇറക്കുമതിക്ക് പൂർണ്ണ നികുതി ഇളവ് പ്രഖ്യാപിച്ചു.
സ്മാർട്ട്ഫോണുകൾ: മൊബൈൽ ഫോണുകളുടെയും ഘടകഭാഗങ്ങളുടെയും നികുതി കുറച്ചു.
ഇലക്ട്രിക് വാഹന (EV) ബാറ്ററികൾ: ലിഥിയം അയോൺ ബാറ്ററികളുടെ നികുതി കുറച്ചതോടെ ഇലക്ട്രിക് വാഹനങ്ങളുടെ വില കുറയാൻ സാധ്യതയുണ്ട്.
സോളാർ പാനലുകൾ: പുനരുപയോഗ ഊർജ്ജം പ്രോത്സാഹിപ്പിക്കുന്നതിന്റെ ഭാഗമായി സോളാർ പാനലുകൾക്ക് വില കുറയും.
കായിക ഉപകരണങ്ങൾ: ഇന്ത്യയെ ഒരു കായിക ഹബ്ബാക്കി മാറ്റുന്നതിന്റെ ഭാഗമായി ഇവയുടെ നികുതി കുറച്ചു.
തുകൽ ഉൽപ്പന്നങ്ങൾ: ചെരിപ്പുകൾ, ബാഗുകൾ തുടങ്ങിയ തോൽ ഉൽപ്പന്നങ്ങൾക്ക് വില കുറയും.
മൈക്രോവേവ് ഓവനുകൾ: അടുക്കള ഉപകരണങ്ങളുടെ വിലയിലും കുറവുണ്ടാകും.
വിദേശയാത്രകൾക്ക് ചെലവ് കുറയും.
സിഎൻജി അടങ്ങിയ ബയോഗ്യാസിന് വില കുറയും.

വില കൂടുന്നവ
മദ്യം: മദ്യത്തിന്മേലുള്ള നികുതി വർധിപ്പിച്ചതിനാൽ ഇവയ്ക്ക് വില കൂടും.
ധാതുക്കൾ: ചില ധാതുക്കളുടെ വില വർധിക്കാൻ സാധ്യതയുണ്ട്.
ആക്രി സാധനങ്ങൾ: സ്ക്രാപ്പ് ഉൽപ്പന്നങ്ങൾക്ക് വില കൂടും.
ഓഹരി വിപണി: ഫ്യൂച്ചേഴ്സ് ആന്റ് ഓപ്ഷൻസ് (F&O) ട്രേഡിംഗിന് ചെലവ് വർധിക്കും