ചിക്കാഗോ: ക്രിസ്മസ് അവധിക്കാലത്തെ കനത്ത മഞ്ഞുവീഴ്ചയെത്തുടർന്ന് ചിക്കാഗോ ഓഹെയർ വിമാനത്താവളത്തിൽ വലിയ വിമാനക്കമ്പനികൾ പ്രതിസന്ധിയിലായ സാഹചര്യത്തിൽ, തന്റെ ജീവനക്കാരുടെ സുരക്ഷയ്ക്ക് മുൻഗണന നൽകിയ ഒരു പൈലറ്റിന്റെ തീരുമാനം ശ്രദ്ധേയമാകുന്നു.

അമിതമായ ജോലിഭാരം കാരണം ക്ഷീണിതരായ വിമാന ജീവനക്കാരെ (Flight Attendants) നിർബന്ധിച്ച് ജോലി ചെയ്യിപ്പിക്കാൻ കഴിയില്ലെന്ന് യുണൈറ്റഡ് എയർലൈൻസ് പൈലറ്റ് കർശനമായ നിലപാടെടുത്തു. തുടർന്ന് വിമാനത്തിൽ കയറിയ യാത്രക്കാരെ ഇറക്കി വിടുകയും പുതിയ ജീവനക്കാർ എത്തുന്നതുവരെ കാത്തിരിക്കാൻ ആവശ്യപ്പെടുകയും ചെയ്തു.

അയോവയിലേക്ക് പോകേണ്ടിയിരുന്ന യുണൈറ്റഡ് ബോയിംഗ് 737 വിമാനം കനത്ത മഞ്ഞുവീഴ്ചയെത്തുടർന്ന് മണിക്കൂറുകളോളം വൈകിയിരുന്നു.