പ്രപഞ്ച നിയമമാം ആവർത്തനം
പ്രേമസ്വരൂപനാം യേശുദേവൻ
കാലങ്ങൾ മാറിലും മായാത്ത സത്യം
കരുണയാൽ ലോകo നയിക്കുo ദൈവം
ആദിയിൽ വചനമായ് നീയുണ്ടായി
ആകാശഭൂമികൾ സാക്ഷിയായ് 
ഇരുളിൽ വെളിച്ചമായ് ക്ഷിതിയിൽ വന്നു
ഇടറുന്ന മനുഷ്യന് സ്നേഹമായ് 
നക്ഷത്രദീപങ്ങൾ തെളിയുo രാവിൽ
നിർമല സ്നേഹത്തിൻ കിരണമായ് 
മണ്ണിലെ മനുഷ്യരെ മക്കളാക്കി
നെഞ്ചോടു ചേർത്തിടും ദൈവമേ നീ
കാൽവരികുന്നിൽ കുരിശുമായ് 
കണ്ണീരിൻ ലോകത്തെ സ്നേഹിച്ചു നീ
മുൾമുടി ചൂടിയ ദിവ്യസ്നേഹo
മരണം വഴി മാറും ചൈതന്യമേ
കല്ലറ തുറന്നൊരു പുലരിയിൽ നീ
കാലം തെളിയിച്ച ഉദയസൂര്യൻ
മരണമില്ലാതിന്നും ലോകമാകെ 
സൗരഭ്യ പുഷ്പമായ് വാണിടുന്നു
പ്രപഞ്ചനിയമത്തിൻ ചരിത്രാവർത്തനം
പ്രേമസ്വരൂപനാം യേശുദേവൻ
കാലങ്ങൾ മാറിലും നിത്യ സത്യം
കരുണയാൽ ലോകo നയിക്കുമീശൻ.

(പ്രപഞ്ചത്തിൻ്റെ ആദിമസത്യമായ സ്നേഹം മനുഷ്യരൂപത്തിൽ ചരിത്രത്തിലേക്ക് കടന്നുവന്ന ദൈവിക സാന്നിധ്യമാണ് യേശുക്രിസ്തു. കുരിശിലെ ത്യാഗവും ഉയിർപ്പിലെ വിജയവും ആ നിത്യസ്നേഹത്തിന്റെ ചരിത്രാവർത്തനങ്ങളാണ്. ഈ ആശയമാണ് ഗാനത്തിന്റെ ആത്മാവ്). 

ശങ്കരൻകുട്ടി, ഹൂസ്‌റ്റൻ